كَتلي اوصفني وحرت شكتب عليك
وكَلي يا ابيات شاعر توصفك
انت حسنك مو حِسِن فد شي عجيب
ومن جمالك حتى روحك حبتك
يلي عينك بحر و رموشك جروف
غركَت العالم بروجة نظرتك
شوف كل الكون دايخ بالرموش
ينزل و يصعد وياك برمشتك
ويلي طولك عود ريحان ويميل
ويه الهوى تروح وترد بمشيتك
وما اظن بصوتك الدافي حجيت
اظن ( بتهوفن ) عزف يم شفتك
وتر ( زرياب ) إنتحر عاف الالحان
من سمع صوت الترافه بضحكتك
وما اوصفك خاف اوصفك واشتهيك
وخاف لا تنغر عليه بكلمتك
من جمالك دوخت حتى الجمال
و دوخت حتى المحبة وحبتك
رد مع اقتباس
