هنا

[ارجع يازمان]

انه الكاشخ ابقبري ابين القبور
قبر شاعر بعد واحساسه مضمون
:
بس لكن صرت فد مره مقهور
كدام الاموات ابفشلتي اشلون!
:
اشوفن كل حبيب العدهم ايزور
بس احبابي كطعوا ما يزورون!!
:
كضيت العيد كله ابقبري ناطور
حسبالي الصبح يمي يعيدون!!
:
العيد الخاطري ايسوونه عاشور!
ويجون امهدلين ابهدل المتون!!
:
شنو القصه نسو؟ والينسه معذور!
وانه الحسبالي بس بيه يهمون!
:
لا رشولي مي لا شعلوا ابخور
ولا عيديه من دمع اليعيدون!!
:
اشبيهم ما اجوني وجابو النور
ترى ظلمه القبر ولوحدي مدفون!!
:
خايف لا نسوني ودمعتي اتفور
بعد ساعه وتصب لوما يمرون!
:
امتانيهم ابقبري وناذر انذور
واذا زاروني للموته انطي العيون
اذا زاروني للموته انطي العيون
حسين االساعدي