حايط ملهى كلي شلون احبنك
چفن تدخل كبر محد يدور عليك
مطموم بتراب شلون اطلعنك
بيت العنكبوت شكثر بيك عيوب
ما تدخل ابالي ولا اطبنك
عكرب سرعه صاير بس تلف ودور
عشت طول العمر بس كون افهمنك
خيط على شمع ناقص عمر وياي
شما شوفك كبالي اتمنه ابعدنك
سهم بالمعركه او ما تضل انته وياي
بقرب فرصه الزمك راح اشمرنك
كلشي البينه اهدمته او ترد ندمان
حايط ملهى كلي شلون احبنك
اعمى على الدرب تيهت بيتي منين
بعد كبر العمر وتريد اشوفنك
وخذت دور النفس ما غبت عنك يوم
وجبت عمري انتضر ما كتلي احبنك
كلبي عليك صاير فطر حايط طين
مكسور على ايدك ما اريدنك
وطحت من عيني ما ترجع بعد هيهات
رماد بريح كلي شلون المنك
جنت مثل الكصب وجابك على ريح
غلط كلش وجودك هم اكسرنك
بعتب كاظم الكاطع جنت ادز وياي
على بيات الشعر ردت انه اعلمنك
وصرت عريان لمن كتلي احب لشعار
وعز من روحي اعزك جنت اسمعنك
علي صبيح
رد مع اقتباس