نسيت ..!!أنساك كلي شلون ناسيك
كالولك نساك ومــــا تجي أبــــاله
وانه يمكن بعيـــد الجسد بس البال
كــــل ليله بســـماك ينور هلاله
انـــه حبي الك جــن أســد بابــل صار
مــا هدمتــه سنينه وباقي تمثـــاله
ومثل ليـــل العراق العشك صار ويــاك
أذا مــو كهربـــاء يضــوي باللالــه
يعني بكــل وكــت وبكــل زمان أهـواك
بهمي بشدتــي بالرخــو بكل حاله
ومــا يبقــه وكـت عنـدي من افكر بيك
الوكـت يخلـص بصفنــه واطلب جمـاله
علـه الحايـط أدور رسمك امـن أشتاك
وأتخيل جمالك واكــعد أكبــاله
وأسولف وي خيــالك على الحايـط دوم
وكلمــن شافنـي تخبلت حسبـاله
حته دموعـي خلصـن من بجـاي اعليك
وهسه من القهر كمت ابجي الوشاله
انه حيل امنياتي انتهه وكلش باد
أمس عندي امنيه انشالت ابنقاله
وامس عندي دمع مارضه يعوف العين
ضل بين الرموش بحسره يتلاله
اليخسر دنيته يكدر بعدها يعيش
اذا عنده محب مستعد يبقاله
واليخسر محب ماظن بعدها يعيش
شنو معنه حياته وحبه ماناله
وانه مستعد اخسر كلشي حته الروح
بس كون انته يمي افراحي تتعاله
مما راق لي
رد مع اقتباس
