- الكلمة إلّي تأذيك لاتنساها ،
وإذا إنگالت إلك من أعز ناسك إنقشها بعقلك حتى تكون حد بينك وبينه بيوم من الأيام
وخليك متذكر اليصبر عليك اليوم وباچر مو معناها يصبر عليك طول الوقت.
وأخيرًا
مثل ماتريد الناس ماتنكر فضلك فَـ لاتنكر فضل أحد عليك ♡︎.
هذا الحچي مو انه گايلته بس طالع من فد ناس تفلسفت بي وهي الطرف الي طايح حظه بالقصة بس مستمتع بدور الغرگان
مستمتع بطعم الضحية وانُ هو خطية وممرغوب ومحد رايده ف يروح ينطي بالمقابيلة ويطلع ع حقيقة انو هوّ شگد قليل أصل
و بالأخير أحب أكلكم دايماً هيج ناس لتعتبروهم انُ خسرتوهم لا إعتبروها ربح و صلوا ركعتين شُكر لأن طلعتوهم من حياتكم همه والسّم مالهم
و كالعادة النيتة صافية حقة ميضيع يم رَب العالمين
بصراحة من رأيي الشخصي الي يفكر هشكل مريض نفسي مو طبيعي
يحاسبك ع صغيرة وچبيرة كإنما وَلي أمرك هو
ويعتبر علاقتك وياه انو هو صابر عليك مو متقبلك
اذا انت ممتقبل صديقك او حبيبك ممجبور تتفلسف وتتمصرن عودك انتَ الخوش والمتعرض للاضطهاد بكل قصصك
و سبحان الله صدفة طلعلي هل مسج بالقناة وحبيت اعلق عليه
بالأخير دائماً و أبداً الي ينكر أفضال غيره و ينسى كلشي بيوم وليلة أسميه قليل أصل دائماً و أبداً
الإمام علي عليه السلام يگول :
ولا تأمننَ لرفقةِ أحدٍ؛ حتى تراهُ في ثلاث:
شِدة تُصيبك ، ونعمة تصيبه ، وجفوة بينكم.
والمعنى انُ الميوكف وياك بشدّتك لتأمنله
والي من يصيرله شي زين ينساك تماماً رغم جنت وياه بالمو زين هم لتأمنله
ومن يصير خِلاف بينكم وبينه وينطي بيكم يم اليسوى والما يسوى هذا أبد لتندمون ع انهُ طلعتوا من حياتكم لأنه ميستحي وعمره ميستحي ولا يعرف يكون ( شريف بأخلاقه ) ٠
رد مع اقتباس
المشاركة الأصلية كتبت بواسطة محمد المقاول٢
