- تدرين شي
= شنو؟
- مرات انقهر من اشوف رايدة شي اني مكادر اوفرة او يعني صعب علية بالوقت الحالي اوفرة
= يعني شلون؟ وشنو هو الي رايدتة
- يعني ما احب اشوفج تتمنين تكونين بمكان وحدة او تتمنين حياة احد او احس رايدة شي اني ما بيدي شي علية، بودي اجيب الكون كله واخلي بين ايدج، امنيتي انو الناس هي الي تحسدج
= يعني اني عندي انت واتمنى اكون بمكان احد؟ ممكن الناس عندها هواي اشياء، رب العالمين رازق كل شخص بشي ناس عدها فلوس وناس عدها عزوة وناس عندها راحة بال وناس عدها اطمئنان واني عندي انت .. لمن اكون وياك ونكون مرتاحين هل شي يغنيني عن كلشي بدون مبالغة، كل شخص يلكة سعادتة بشي واني سعادتي براحتك الي هي راحتي
- صرنا فول دراما ههههه بس هاي حقيقة انو لو اتمنى تكونين فرحانة دائما، حتى من نتعارك الاذية الحقيقية والمغثة الصدك هي انو اني زعلتج او ابقى افكر انو هسه حتبجي او تضوج او تنقهر وهل شي الي يخليني اهضم بنفسي بعيدا عن اي شي صار بيناتنا، اتمنى اكون مصباح علي بابا الي يكدر يسعدج باللي يكدر علية
= عمر السعادة مجانت بالشي الي الناس تباوع علية، السعادة بالمضموم عن الناس وانت حنيتك هاي كافية، يكفي انو عندي شخص حنين علية صعبة انو تلكة هيج شخص بهاي الدنيا فاعتبرني محظوظة بهل شي
- ديلا كافي هواي مدحنا بعض
= ههههههه مو بله
- اي ولله ما متعودين
= ديلا لعد كافي
- ديلا احبج
= اني هم هواي . .
رد مع اقتباس
