هنا

[ارجع يازمان]

العنده غيره ايامه متروسه عذاب
والبقن بظنونه رهن الامتحان!
,
المصيبه ما يقنعه كل جواب!
والاعذار اتكثر ابكلبه الطعان!
,
الثقه من تمشي تجيب الاكتأب
ويبقه بس الشك يسولف بالبيان!
,
حتى لو ما تنعقل ما الها باب,
الوهم لو كبرها بالظن يستعان!
,
يدري قسمه انكتبت ابذاك الكتاب!
والله يعلم بالصدك عد يا لسان!

ايريد يوصل للحقيقه باي عقاب
وينطي عمره وما يضل ابهل هوان!
,
عنده نظره تخترق مية حجاب!
وزايد اعله البشر باحساس الظمان!
,
يسمع الما ينحجي ... ويدري السراب
الراهنوه بالماي ,, خسروا بالرهان!
,
من يشم عطر الخيانه بالثياب
ما يعرف ايغلس وضاع الامان!
,
باقيه ابكلبه تدك عاف العتاب
لأن مو ديوث جان ومو جبان!
,
كلشي بعيونه بعد تلكاه خراب
ما يفيده اشما يغيروله المكان!!
,
منتظر بأكفانه ايبدل الثياب!!
أيس ومتقنعه ذله أويه الحنان!
,
اتمنى ميت مندفن جوه التراب
ولا يضل ابغصه غصها ابهلزمان!
مايعيش ابغصه غصها ابهل زمان!
حسين االساعدي

[مؤيد العبدالله]

راقني كثيرا
كلمات تحاكي الواقع المرير بكل صدق
ابدعت بكل حرف