هنا

[ملكةه]

عندك حظ
اي لو لا
طيب لو كلت لا ممكن تتذكرلي الاشياء الكنت محظوظ بيها ولا تكلي لا بشكل مباشر لان اذا تذكرت اني وانت نعرف انو راح تلاكي المواقف الي كنت محظوظ بيها، تذكر مميزاتك، الاشياء الي عندك ومتحس عند احد ثاني، الاشياء الي عشتها ومتحس انو اكو شخص راح يعيشها غيرك انت، برأيك هل شي ما محظوظ بي؟

ماكو شخص ما عنده حظ، بس تدري شنو مشكلتنا احنه؟ انو نباوع ع الاشياء الي ما عدنا او نفتقدها اكثر من الاشياء الي نملكها، نزعل ع الاشياء الي خسرنه بيها وننسى شكد اكو اشياء ربحناها، انت محظوظ بكل يوم تعيشه لان عندك فرصة انك تسوي اشياء بعدك ما سويتها، ولا سامح الله حتى الي يموت فهو كذلك عنده حظ انو حيواجه رب كريم، لا تتخيل انك شخص خالي من الحظ، اوقات حظنا احنه الي نصنعه واحنه هم الي نخلي تحت الارض
تجينه فرصة واثنين وثلاثة وما نستغلها ونركض ع الحظ ونكول يووو احنه ما عدنا حظ بينما الحظ هو الي وفرلك ٣ فرص بمكان الفرصة

حظك موجود بالناس الي تعرفهم وتلاكيهم وتسولف وياهم
واذا ماعندك
فحظك بحنية اهلك عليك وخوفهم من التقصير اتجاهك واذا كتلي ما عندي
فحظك بشكلك وعيونك هاي الحلوة واذا ما مقتنع بشكلك " وهاي مشكلة "
فحظك انك شخص قوي قادر تستحمل فقدانك لكل هذا وسوء حظك بس انك شايف نفسك مسلوب من كل هذا بينما انت بيدك تقرب الناس الك وبيدك تشوف حنية اهلك " اذا ردت تشوفها " وبيدك تكون جميل اذا امنت بنفسك انك جميل، سوء الحظ انك تفكر بيوم انك ما عندك حظ
حظك دائمًا موجود ودائما يخلقلك الفرص والتوفيق بمجالات معينة
اذا مو البارحة اليوم واذا مو اليوم باجر
اؤمن انك شخص محظوظ وراح تلاكي الحظ ملازمك بكل وقت.

حظك طايح او طايح الحظ هاي مو شتيمة بكد ما هي ادراك انك ما عارف تصنع حظك بنفسك وقابل بقلة حظك وماخذ دور الضحية، حظك اصنعه لنفسك واني لو منك اخلي الحظ محظوظ انو ملازمني، دور ع حظك وراح تلكاه.