بداية نهاية أي علاقة قوتها!..
يعني شنو؟
يعني العلاقات السطحية المحدودة ما تنقطع وغالبا ما تبقى محافظة ع شكلها سنة سنتين وممكن مدة اطول بكثير، لكن بمجرد ما تنقل علاقة لlevel اعلى انت هنا قللت الحدودية وزدت من الRisk او المخاطرة..
يعني شلون هم بعدها ما وصلتني بشكل واضح؟
لما تقوي علاقتك بشخص بشكل اكبر من الحدود العامة الي حاطها بعلاقاتك بالناس انت هنا زدت من فرصة ان تتعرف ع هل شخص اكثر بما معنى انك راح تعرف الجوانب السلبية بشكل اكبر، والانسان تهمه جدا الصورة الايجابية اتجاه الشخص المقابل مهما كال " اني احبك بعيوبك "
هو فعلا يحبك بعيوبك بس مراح يكدر يتحملها على طول!
والامر معكوس اتجاهك كذلك أي بما معنى انك انت كذلك حتنكشف اكثر واكثر كدامه وهنا يروح ابهار الحدودية وهم حتسألني هو شنو معنى ابهار الحدودية؟..
ابهار الحدودية هو مصطلح اطلقته ع المرحلة الاولى من العلاقة والي هو الشكل الاول للمقابل والي دائمًا ما يرسمه الشخص نفسه للناس أي ان الصورة الي هو حابها راح يبينها الك وهنا يكون هو في اوج حالة الابهار بالنسبة الك.. وبمجرد ما تنتهي هل مرحلة بقوة العلاقة هنا راح تبدي تكسب اشياء ايجابية كثيرة ولكن مثل ما كلنا هو Risk او زيادة في معدل المخاطرة وهنا بيها احتمالين
الاحتمال الاول
مع مرور الوقت ومع فقدك للابهار لهذا الشخص واذا ما كانت هنالك علاقة جادة كمثل
" الحب او الصداقة القوية " او قد يكون كان بداية مشروع حب او مشروع صداقة قوية باءت بالفشل لعدم اكتمال الكيميا الي بينكم فتبدي هل علاقة تنحدر بالتدريج الى ان تنطفي هل علاقة وتكون بداية قوة علاقتكم هي نهاية هل علاقة الي تكون اقل من العادية " المحدودة
الاحتمال الثاني
ان تكونون علاقة جادة " علاقة حب او صداقة قوية "
وغالبًا هل شي يحدث بعد ما يتقبل كل منكم الاخر لان يكون اكو " دافع " والدافع هو
" الانبهار المضاعف "
حتكلي هذا شنو النوب!؟
الانبهار المضاعف هو مصطلح اطلقته ع الاشخاص الي يكون بينهم الكيميا عالية ويتشاركون نفس الاهتمامات والاطباع
وهذا تحديدا يكون دافع في ان تبدأ هل علاقة تكون اقوى واقوى الى ان تصل الى مرحلة المواقف وهنا يتغير كل شيء..
مع قوة العلاقة هنا يصحبها مبالغة في التوقعات أي ان هل انسان مراح يكون جيد انما يكون جيد * 10
فهنا لما يكون اله موقف مخالف لتوقعاتك ردة فعلك راح تكون هي كذلك مضروبة * 10 وهذا ما يسببلك احباط وبداية انهيار هل علاقة..
لذلك لازم تعرف قبل ما ترفع اي level من اي علاقة انك زدت المخاطرة في فقدان هل علاقة اذا ما كانت تتناسب مع المعايير الشخصية للطرفين.
رد مع اقتباس