هنا

[فقار الكرخي]

السلام عليكم ورحمة الله وبركاته
شلونكم دررنا الطيبين
ايامكم سعيدة
وكل عام وانتم بالف و٥٠٠ خير


بما انه الناس معيدة وهذا عيد الله اكبر
والكل ناشرة صورها

اني كلما اريد انشر صورتي اتردد

يا اخي شكلي ولا حلو

اروح للحلاق ازين اطلع جني ديج مهلس

اعوف شعري ما ازينة . تصير كفشتي شكبرها
عبالك اسد

ازين شواربي ولحيتي
اطلع شلون واحد مملوط ملط

اربي لحية وشوارب
يكلولي انت اسمر ماتلوكلك

وشواربي تصير جنها باكة كرفس

اخذ خيط وجهي يصير ازرك

احط خبطة الوجهي يكوم يطلع بي حب


بالعباس مليت
زين ليش هيج

كالولي لاتطلع بالشمس حتى بشرتك
ما تتلف
وشهر اني مشايف الشمس
ونفس الشي كلشي ماتغير

بعدين كالولي لا
لازم وجهك تلوحة الشمس
لأن الشمس تغذي البشرة
ورجعت كابلت الشمس
وهم متغير شي

كالولي جيب صابونة مال تفتيح البشرة
جبتها وشهر اجلف بيها
الصابونة تفتحت وصارت بيضة
و وجهي على حالة


منو يعرف فد طريقة
يساعدني بالحجيتة فوك


فوك القهر احجي وياها اسبوعين وكلش متفقين
هي تشوف صورتي تسويلي حظر



العندة معلومة ينورنا

[الكاتبة الأنيقة]

كل عام وانت بخير وصحه وسلامهاهم شي ثقة بنفس وتالي

حلك يم دكتور جلدية او تجميل

بين علاجات وترطيب بشرة والاهتمام مو على اساس ولد ومايصير

اهم شي البشرة وجرب علاج بالكولاجين

[غَياهِب]

وعليكم السلام
وضعك مبين كلش منتهي

عندي خوش طريقه
مجربه هواي
داوم على صلاه الليل وهو وجهك يصير نوراني

بس بقت شغله وحده لازم ماتسهر

[فقار الكرخي]

كل عام وانت بخير وصحه وسلامهاهم شي ثقة بنفس وتالي

حلك يم دكتور جلدية او تجميل

بين علاجات وترطيب بشرة والاهتمام مو على اساس ولد ومايصير

اهم شي البشرة وجرب علاج بالكولاجين

شفت اكو ولد رايح مسوي ليزر
وشكلة صاير يخزي
وهذا الكولاجين مانصحوني بي

[فقار الكرخي]

وعليكم السلام
وضعك مبين كلش منتهي

عندي خوش طريقه
مجربه هواي
داوم على صلاه الليل وهو وجهك يصير نوراني

بس بقت شغله وحده لازم ماتسهر

صلا الليل وما اسهر
زين شلون اصليها واني نايم

زين انا ما اعرف اصلي مال ليل

هي الصلاة شعليها بالوجه
يعني اذا جنسيتي سوداني او افريقي
واصلي صلاة الليل
معقولة انكلب فرنسي



لا لا غياهب انتي شريرة وتشاقين

[علي الواسطي]

هاي نوعية مضبوطة هذا مستخدمة

[فقار الكرخي]

هاي نوعية مضبوطة هذا مستخدمة

سمعتة بس يكول واقي
واقي مال شنو

علاوي انت تحط خبطات الوجهك مو

[غَياهِب]

صلا الليل وما اسهر
زين شلون اصليها واني نايم

زين انا ما اعرف اصلي مال ليل

هي الصلاة شعليها بالوجه
يعني اذا جنسيتي سوداني او افريقي
واصلي صلاة الليل
معقولة انكلب فرنسي



لا لا غياهب انتي شريرة وتشاقين

انت شتسوي بالبياض اذا اكو وحده تحبك على لون بشرتك مهما كان حتى لو بلون الجير

ثم اني قصدت يصير وجهك نوراني يعني يصيرلك قبول عند الفتيات اللاتي طبع الله على قلوبهن النور والايمان
يعني انت الفائز
اولا حسنات
ثانيا حسنات
ثالثا حسنات
رابعاً راح تجيك فتاة اسمها حسنات ذات وجه يذيب قلب الناظرين تحبك على سواد وجهك مايهمها اللون اهم شي نور قلبك

[Ali Ibrahim]

وعليكم السلام
اول خطوة تسويها تنظيف بشرة عميق
بعدها تبقه فترة اسبوع ما تسوي شي لان البشرة تصير متهيجه بهل فترة وراها تروح تسوي ليزر كاربوني رخيص مو مكلف اغلى شي ب 50 الف
وهكذا تسوي جلسات ليزر كاربوني كل شهر حتى يبدي يصفي البشرة وينطيها نظارة
خلال هاي الفترة انت لازم ما تطلع بالنهار اذا ما مخلي واقي شمس وشرط الاصلي(لاروش)
تجيب غسول وجه وتنسه شي اسمه صابونه
الغسول النوعية المضبوطة اسمه (ديرمدك) سعره ما يتجاوز 15 الف

واذا تحب اكو شي اضافي وياهم عصارة نظارة تخليها بس بليل هاي تقضي على حبوب الشباب وتصفي البشرة ويفتح المسامات بالبشرة اني اشتريتها من موقع فانيلا سعرها 25 الف هاي رهيبه خليت منها مرتين شفت الفرق
اذا ما اندليت الموقع هاي صفحتهم انستا
https://instagram.com/vanillacosmeti...d=YmMyMTA2M2Y=


راح انزلها صورتها

[المستشار القانوني]

مشكله هالبشر..
لاالابيض راضي بقسمته.. وخلقته اللي خلقه بيهه رب العالمين..
ولا الأسمر قابل بخلقته..
ولا الأحمر الابرص... قابل بقسمته...

مع العلم الاسمر... والسمره... مرغوبين بشكل... والشعراء تتغنى بالاسمر..
ماسامع :

السمره( عنبر بوه) ماجول الأجواد..
والبيضة مرگ أگطين يمصل عله الزاد

تدري عبلة شتگول :

الناس تعشق من خال بوجنته
فكيف بي وحبيبي كله خال ُ

لذلك انتعشت عمليات التجميل... وأصبحت ارباحها... بالمليارات..
افضل نصيحه... اترك بشرتك لحالها.. والتحبك لذاتك.. ماتعنيها.. لون البشرة.. وشكلها... بل تعشق الجوهر...


تحياتي فقارنا الغالي
واخيرا أهديك هذا المقطع المغنى :


ياحلو يا أسمر غنى بك السُّمّرُ رقُّوا ورق الهوى في كل ما صوروا ما الشعر ما سحره ما الخمر ما السكر يندى على اثغرك من انفاسك العنبر..



انت راق... كما... انت..
وجميل.. كما هو خلقك.. فلا تبحث عن وهم التغيير الزائف... مع الود