هاي واحد يحجي ويا حبيبته فيكول لها
- يوم وره يوم، كل ما اشوف وجهج الضاحك المطمأن اطمئن، هو المفروض اني الي انطيج القوة والحنية والامان بس وياج احس الموضوع متبادل كلما انطيتج هل قوة فتردلي بضحكتج ضعف، الامان الي احسه بلزمه ايدج ما حسيته ابد..
بيك سام يغني باغنية يا صبية ويكول
" شفت الناس كلها بتحبني لما تضحكلي بس انتي غير!، شفت العيون كلها فضول كأنها ترسمني بس انتي غير!.. وكترت الاضواء وانتي بالبال كأن الناس مش قدامي، صوتي العشكان دائما عشطان وانتي فيني فيني فيني تمشي بشرايني انتي فيني!.. "
هل اغنية تعبر عني بكل روح وانا اشوفج، انتي فعلا غير انتي المواقف انتي قوة ايام الضعف وفخر ايام القوة! انتي غير انتي فيني!..
ولما يكول
" صوتك الحنون ساكن ضلوعي "
هذا الصوت الي احب اسمعه واني تعبان واني فرحان واني بنهاية اليوم لما اكون نعسان
ومنتهي واغفى بدون ما احس ع صوت سوالفج لو ضحكتج الاحبها..
احبج لان انتي احسن مني
احبج لان انتي حابتني مثل ما اني
احبج لان انتي صايرتلي كلشي
ومستعده تكونين اكثر بعد
احبج بكل مزاجيتي وعصبيتي وتعبي
وحزني وحيرتي وتفكيري الي جنتي ويايه
ع وتر واحد، لما ابوس ايدج احس اني
كدرت ابوس هل وتر الي دائما كان وياي
اماني، وحنيتي والروح الي تخليني اقوى روح..
رد مع اقتباس