السلام عليكم
ما اعرف كيف ابدي بالحديث
اخو زوجي دائما يتتبع خطواتي وكلامه وياي يختلف عن الباقين ودائما يناديني بكلمات حب واكثر من مره حاول يلمسني يتقربلي
ما غير الاحلام الي تجيني بسببه
وخوفي لتكبر المسأله ما اعرف شأسوي
تنصحوني اكول لزوجي لو أكول لزوجته وخاف اكول وهو ينكر واطلع اني بالوجه
وحتى من اني بغرفتي يصيحلي يعني شكد ما احاول ابتعد عنه هو مصر يتقرب اكثر.
استعملي وياه سياسة الاخوية
يعني بين حجاية والثانية واجفته بكلمة اخوية
مثلا غير انت اخوية الجبير
والله من تزوجت واجيت يمكم
ابدا ماحسيت بغربة
فلان حسيتة اخوية
لا تتأنقين كدامة
لاتلبسين خفيف ونص اردان
البسي جواريب
الضحكة ابدا لتخليها بحلكج
ابد لتتشاقين او تتلاطفين وياه
حاولي لتخلي يشوفج جهد الامكان
يعني اكمل شغلي قبل ما يجي للبيت
النصيحة
ابد لا تكولين الاحد بهذا الموضوع نهائيا
لأنه حتى لو تنطيهم دليل
راح يحاولون ميصدكوج
واذا صدكوج هنا الطامة الكبرى
راح يصير قاتل ومقتول
او تصير كراهية بين الاخوة والعائلة ككل
وتصيرين مكروهة لو بعد شتسويلهم
الولد يكرهج ومرتة وامه
زوجج يكره اخوه
ويكومون يسببولج مشاكل
حاولي تطلعين بيت تأجرون احسن
او تعزلون بطريقة اخرى
متكدرون تعزلون
سوي الكتلج عليه فوك
راح تشوفين فرق
هذا فاقد الشرف العائلي
وفاقد حتى معنى الاخوة
مثل ما قال الاخ فقار
ابدا لاتعطيه مجال وصديه دائما
واستعملي معاه في الكلام كلمة اخي
وبدون ميانات وكلام ناعم او شقة
يعني خلي يكون الكلام رسمي بينكم
ولاتختلطين معاه عندما يكون لوحده
في الغرفة او في اي مكان
لعله يرتدع و ييأس ويترك زوجة اخيه
اتوقع اذا اخبرتي زوجج احتمال كبير ما راح يصدكج وراح تكونين بموقف صعب إلا إذا يعرف اخوه فاسد فراح يكون بجانبك.
الافضل ان تمنعيه اذا حاول التحرش
وامنعيه بقوة ابصقي بوجهه او ضربيه بحذاء او اي ردة فعل تحسسه بالاهانة والاحتقار
اكيد بعدها راح تصير مشكلة واذا ماصارت حاولي تخليها تصير مشكلة وهنا راح تكونين بموقف صعب لكن افضل من ان تشتكين لزوجج عليه
كلمة اخيرة صدقيها بنسبة 100%
اذا بقيتي ساكته راح ياخذ الي يريده منج لأن بمرور الوقت مقاوتج راح تضعف .. وبعدها راح تخسرين كل شي، حتى الاشياء الي من اجلها بقيتي ساكتة راح تخسريها وزيادة ......
اني ضد هذا الرأي لأن ممكن راح يحاول ينتقم منها ويسببلها الاذية ويلقي التهم عليها .المشاركة الأصلية كتبت بواسطة Aabdullah
الحل تتبع اسلوب السياسة وشلون تخلي يبتعد عنها ومتنطي فرصة للتفكير بيها .
التعامل الاخوي وبحدود معاه ممكن يكسر عينه ويخلي يخجل من نفسه وتصرفاته
ايضا حاولي تقللي من التواجد امامه خصوصا لما تكونين وحدج حتى. لا يتجرأ ويسوي شغلات او حركات
سجلي كلامه بتسجيل وهدديه يوصل ل اهله
او اعزلي ابيت وحدج بمكان بعيد عن عيالج
او كلي لرجلج اذا ماعدكم امكانيه سويلج مشتمل فوك ولا تنزلين جوه ولاتختلطين بيهم
مجتمع متوحش وفاقد للأخلاق والمبادئ والقيم.
هناك فكرة عامة وتصور عام عند كل الرجال ، وهي عدم الإقتراب من المرأة الشريفة . وعدم مراودتها عن نفسها والتحرش بها .
لكن حين تصل الجرأة بالمرأة أن تكتب مثل هذا المنشور العائلي الخاص جداً ، وتناقشه في العلن . اعتقد إن هناك جوانب أخرى معتمة ومؤلمة لم تذكر في الموضوع .
…
الحل يابنت الناس
هناك مال حرام ، ورزق حرام ، ومورد كسب حرام ، قد اكل منه جميع من في البيت . ينبغي إعادة النظر فيه ، والتخلص منه ، والتوبة عنه ، وسيفرجها الله عنكم جميعاً .
السكوت ما راح يجيب نتيجة
إذا زوجج تشوفين بي الشرف ويكدر يوكف بوجه اخو ويطيح حظه
كليله وبصريح العباره
أما إذا تحسين بي راح يجذبج او يكلج متوهمه
فأفضل حل النفور كدام حماج وأستخدمي أسلوب الإستحقار بكل مكان وزمان وأتعمدي من يكعد بمكان انتِ كاعده بي كومي راح ينهان ويرجع لوعيه الأدبسز
اهلا علي
البشر الي يكدر يوصل الى هكذا مراحل متطورة من الخسة والنذالة لدرجة التحرش بزوجة اخوه مو هذا النوع الي ينفع وياه الكلام الاخوي والاحتقار السلمي
هذا النوع ينفع وياه فقط الردع والتأديب والمواجهة.
هي بالاساس تتبع اسلوب المنع والابتعاد عنه بطرق سلمية هادئة والظاهر أنه مصر على التهام الفريسة
برأيي إذا اقتضت الضرورة ان تخسر زوجها بعزة وكرامة وهي محافظة على نفسها وشرفها وسمعتها ودينها افضل من ان تحافظ على زوجها في بيئة تجرها لعلاقات فاسدة محرمة.
قاعدة عامة : الانسان الي يحافظ على علاقاته بالاخرين على حساب علاقته بالله
راح يخسر الاثنين
وَمَنْ يَتَّقِ اللَّهَ يَجْعَلْ لَهُ مَخْرَجًا * وَيَرْزُقْهُ مِنْ حَيْثُ لَا يَحْتَسِبُ وَمَنْ يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا.
الاخوة لم يتركوا شيء حتى انضيف
واتفق مع فقار .
ابدا لاتظهري مفاتنك امامه
وأتكلمي بالدين في حضورة حتى لوانت غير متدينة .
وجمعي معلومات عن الحرام والعيب وبس هن .خليهن سالفتج
حينما يحضر .
واعتقد ينفعك الدجال المشهور اذا تعرفين واحد
فالدجال يكضيها على مستمعيه كل الدنيا حرام ويخوف المستمع
وبالاخير يطلع هو يتعامل بيهم .
انت اخذي واحفظي منه كلامه في الحرام وسولفي بيه امام حماج الضعيف نفسيا .
كثري من الحديث بالحرام والحلال امامه . ولاتتبرجي من امامه وحاولي لاتظهرين بحركة مغرية
اثناء مسيرك داخل البيت وهو موجود .
لان مثل هذة المشاكل تقع على الاثنين الخطوة الاولى على المرأة والخطوة الاخرى ع الرجل خاصتا اذا ضعيف
يعني ففتي ففتي .
فغيري من طبعك هاي الايام وبعد فترة تشعرين بالتغيير من جانبه
وادعي الله للستر والامان من اولاد الحرام
حفظك الله وسهل امرك وهداه الله للدرب الصحيح
رد مع اقتباس