كلت... اكتب عليك ومنك اتعلم
رجف... بيدي القلم ضل خايف من السم
من عدهه اعرف جيب المؤرخ جان تدفع تنتصر ما تنطي لا تهزم...
معقوله الحسن ما قاتل ب اي كاع
ابن حيدر يموت وسيفه ما ملثم
انا كل القريته ب جمله ما ينصاغ...
الحسن قائد الثوره وفشلت وسلم
صفنتلها ورجعت بحركه للتاريخ
شككت الأوراق وما طلع اي دم
رحت ابجي لعلي مفرع خيالي هناك
واتراجغ قلق والساني يتلعثم
ولن شفت الحسن واكف بذاك الباب
ماعرف حقيقه لو جنت احلم
هن دموعي طاحت وابتسم مرعوب
ومامن خفت بس ارجف اتثلم
صاحلي واحس مغتاض ع التاريخ
كلي اسمع يشاعر اكتب وافهم!!!
شكتب؟!
اكتب وافهم.
اكتب.... اني طالب علي ابن ابي طالب
انا الينهي الحرب من ينزل يحارب
انا السيف الكسر بالنهروان الجيش
النا الشريتهم ثق شارب بشارب
انا حروره الغيره بالبطل عباس
انه صوته ومشيته وخزره الحاجب
وانا السيف البجفه والوعد والجود
وانا رفت الرايه ورفت الشارب
رد مع اقتباس
المشاركة الأصلية كتبت بواسطة جْــيْــكـــي'ۦ، 'ۦ
