فقار .. لكيتلك علاج للكلى طبيعي .
يكلّه من جابك على المر .........؟
اليوم واحد من معارفي اشترى قطعة وراح ايسسها .
فماعنده فلوس يشغّل عمال .
..........
ظل يحفر بالاساس في مسحاة وكرك .,
سيّرت عليه يعني رحت اساعدة خطية .
اول ماوصلت وسلمت عليه طلب مني اروح اترسله جلكان ماي .
كتله شنو القضية .
كال ياخوية هذا الجلكان الثالث شربته اليوم .
فيافقار شوفلك حفرة لو علوة وخلي جلكان يمك واحفر او شوفلك بيت عدهم شغل والزم الكرك وساعدهم كون بلا استراحة
راح تشرب جلكانين
.............
الوصفة الثانية
لما ودعته ورحت لكَيت مجموعة وواحد يسولف ابنصهم ويجذّب .يكذب عليهم .؟
مو. ينسى شيريد يحجي .كل كلمتين وكال انطوني ماي .
حتى واحد منهم سمعته يكَلّه شنو صار بيك هاي الربطة الثانية تشربها خلال ساعة .
فانصحك شوفلك جماعة واخذ ربطتين ماي وجذّب عليهم من اجل العلاج مابيها لاحرام ولاعيب
............
الوصفة الثالثة
وهاي مجربة
ارجع الى موضوع رغدة بنت ابو الحفرة واصفن واتحسر على ماخسرته بس كون صفنه مال شاعر
هسة راح تيبس بلاعيمك وتشرب الحنفية كلها .
............
مشافة ان شاءالله انا اخوك ماقصر وياك
صار يومين ادور على هذا العلاج الخاطرك
يالله شكرني حتى ادورلك بعد اذا مافاد وياك العلاج
.................
رد مع اقتباس
المشاركة الأصلية كتبت بواسطة فقار الكرخي
