هنا

[ارجع يازمان]

عجيب الطبره هايه!!,,,على كل الولايه
مو بس حسن وحسين ,,
خلتهم يتامه
الشيعه اتيتمت بيك,,
وليوم القيامه!
عجيب الطبره هايه!!

::::::

سيف الله انطبر بالهامه وانصاب
والدم ضل يصلي وعنده محراب
ابن ملجم نكول اشوده واشجاب!
وده الفرح عنه وجاب المصاب!
هايه طبرتك
يا داحي الباب!
جن بيها النهايه!!
عجيب الطبره هايه
على كل الولايه!!

::::::

صوت امن السمه ايعزي المساكين
ابطبرت هامتك ياناصر الدين
أركان الهده جسموها نصين!!
والحق انتهى ابموتك يبو حسين
بالتاريخ ماكو
ابمثلك اثنين!!
قرينه امن البدايه
عجيب الطبره هايه
على كل الولايه!!

::::::::

يا باب العلم رايه ومجاهد
جيش البارزك ما يبقه واحد!
ما كدرولك الا وانته ساجد!
أمير المؤمنين والله شاهد
ذكرك واجب
ابكل المساجد
علي وبيك الهدايه
عجيب الطبره هايه
على كل الولايه!!

:::::::

حقيقه انته ونضل بيك
نباهي ابكل الايام
.
وندري الما يواليك
ضل امولي الاوهام
.
رسول الله الشهد بيك
يحيدر وانته ضرغام
.
ألا من كنت مولاه ,,
يوالي روح الاسلام
.
لكن نعتب اعليك
اشلون اتعوف الايتام!!
صفوا بعدك ضحايه
عجيب الطبره هايه
على كل الولايه!!
حسين االساعدي

[حـــــوراء]

عظم الله الاجر لنا ولكم