هنا

[بحار تائه]

اخوان السلام عليكم

اني بنيه قبل كل شي
أكو موضوع واريد جوابكم واستشارتكم ورجاءاً بدون اي تهجم مع احترامي الكم اني اريد اوصل لصورة حل

اكو بنيه صديقتي مدمره دمار
قبل سنه مرت اتعرفت ع بنيه ثانيه وصارت تتقربلها بحجه صديقتها المقربة وصارت تميل الها ميول جنسي مع الاسف
طبعا نصحتها ووكفت وياها وتركتها وكامت تروح لدكتور نفسي يعالجها بس مفاد هل شي
مع الاسف صارت تروح لغير بنيه وهل شي اثر على عذريتها للاسف
صارت هاي البنيه هسه عايشه بحاله مثل مدمن المخدرات تريد ميول وما تريد وضايجه من شغله انه فقدت عذريتها وتريد تتعالج بس ما تعرف شتسوي

نصيحتكم اترجاكم لان الموضوع مو يم شغله تريية اهل ولا مجتمع
الموضوع احنه في زمن خطر وصعب الانسان يبقه محافظ على نفسه خاصة اذا كان هو فقير وطيب القلب
راح يستغلون هل طيبه بهاي الامور
الصراحة الموضوع كلش مأذيني واحتاج نصيحتكم كمجتمع واعي

شكراً

[أبو ملاك]

قبل كلشي إذا بنية ليش مسجل بأسم ولد؟

ثانياً..
مشكلة الميول والشذوذ.. مشاكل موجودة بالمجتمع سواء للبنات أو الولد..
إذا صحيح هذا الكلام..
فنصيحتي أنه تشتغل وتلهي نفسها بالشغل..
هاي السوالف مابيها فائدة بس أذية للنفس وخسارة للصحة..
وإنحدار للعائلة..

[ملكةه]

المرض النفسي مهما كان نوعه علاجه الوحيد التقرب لله تعالئ
تلتزم بصلاه كلشي التايهه يندل دربه بصلاته
وتشغل نفسها قدر المستطاع
نطيها طحين وخل تتعلم خبز كلش رح يشغلها
جيبولها مكينه وخل تخيط هم رح تنشغل

لاتخلوها وحدها الخلوه مع نفسها هم لها تاثير

طلعوها اسواق حدايق كل يوم شغلوها

كل خميس خل تروح لكربلئ وهناك تندعي تترك هالشي

وقبل كل ذلك تعلن توبتها

بس هنان الاهل لهم دور لازم يكونون ع علم ان بنتهم تعاني من مرض نفسي مو شرط تحجيلهم بصراحه بس يعني تكلهم ضايجه ووكذا

الله يهديكم ويبعدكم عن شر الناس

[جمال الجيزاني]

اتمنى اعرف تاريخ ميلاد هاي البنيه حتى احكم عليها بالعدل ويمكن اكدر اشوف حل مناسب لوضعها لاانو كل انسان اله طبيعه خاصه بيه اتمنى الها الشفاء العاجل لكن بكل الاحوال عليها تكون مشغوله جدا حتى تغيب الافكار السوده من فكرها والله المعافي
تحياتي