حمو بيكا: عمر كمال كان عاملي سحر.. وصاحبته حتى لا يكررها
5 ابريل, 2023
زعم مؤدي المهرجانات حمو بيكا، أنه تعرض للسحر من قبل زميله عمر كمال، معلقا: "اتصاحبنا عشان ميعملش كده تاني".
وأضاف بيكا خلال الجزء الثاني من برنامج "العرافة" الذي تقدمه الإعلامية بسمة وهبة: "عمر كمال ناشف في الفلوس وممكن يموت لو أعطى فلوس لحد، وقالي هجيب ليك تكييف هدية ومجبش حاجة".
وبشأن الرقابة على الغناء والمصنّفات الغنائية، اعترف حمو بيكا أنه لم يكن على علم بها عندما بدأ يغني، مضيفًا أن الوسط كان يحتاج لنقيب مهن موسيقية، مثل الفنان مصطفى كامل.
وحول غنائه في "الكباريهات"، تحدث بيكا: "اه بغني في الكباريهات ولو مش هغني في كباريهات هغني فين؟! وده شغلنا واحنا مش بنعمل حاجة حرام، وربنا بيرزقني ولو ده شغل غلط مكنش حد طلع".
وفي الجزء الأول من البرنامج، أكد حمو بيكا، أنه حقق نجاحاً كبيراً في عالم المهرجانات الشعبية، واصفاً نفسه بأنه "عمرو دياب الغلابة"، أسوة بالنجاح الذي حققه الهضبة طوال مسيرته الفنية التي امتدت لعقود.
وهاجم زملاءه، مؤكداً أنه ساعد حسن شاكوش في بداية وجوده بعالم المهرجانات، وقال "علمته يقف أمام الميكروفون ويغني إزاي، وهو اللي جاء يقولي عايز أغني معاك ومكنتش أعرفه، وهو مكنش عنده استوديو أصلاً".
ولفت: "أول أغنية عملتها له، جابت 15 مليون مشاهدة.. وأنا اللي طلعته للنور.. ولما اتشهر والغرور خده مني، بقى يعمل أغاني لوحده.. بس أنا المدرسة اللي طلعت حسن شاكوش".
وواصل انتقاده لشاكوش: "هو بيحب السهرات مش بيحب الشغل.. أنا بشتغل مش بسهر وهو مش مركز في شغله.. أنا العالم كله يعرفني ولكن هو لأ.. وساب مراته وراح يسهر ومراته بتنصحه بتقوله انزل اشتغل.. ومديرين أعماله بيسوحوه".
كما اعتبر أن زميله عمر كمال، لا يجيد الغناء، وهو أكثر نجومية وجماهيرية منه، قائلاً: "ورب اللي خلقني عمر كمال مابيعرفش يغني.. يعني إيه صوته حلو؟!.. هي مش بالصوت.. وأنا صوتي على قدي بس ليا جمهور كتير والناس كلها بتحبني".
رد مع اقتباس
المشاركة الأصلية كتبت بواسطة Gehad Youssef
