چن روحي
چن روحي طريق وماتمر بي ناس
وجن روحي حمامة بجنح مكسور
وجن روحي جسر بي تعبر الحسرات
وجن روحي نفق بس ما نهايته النور
وجن روحي جزيرة ماتمر بيها الناس
وجن روحي غزال الموت فوگة يدور
وجن روحي شاشة مكسرة وما بها اللون
وجن روحي قفص المفروض بيه طيور
وجن روحي يتيم ومالگاله مچان بيه ينام
وجن روحي شاطي قديم وهسة مطمور
وجن روحي رئيس بلا صلاحيات
لايگدر يقدم ولاياخر
هم ينطونه الاوامر هوة بس ناطور
تحياتي: علي أحمد
رد مع اقتباس
