بقه جرح الكرامه!!-حسين الساعدي
الدنيا اتحولت @ مثل الدواليب!
تنَزل الصاعد وبلهابط إجيب!
.
الناجح ما درس بالامتحانات
يدري الأسئله ايصح بيها تسريب!
.
وماكو صيدليه ابلايا دكتور
يدز الها الضحايا ابهل مكاتيب!
.
وحكومه الما اجت بالانتخابات
بفلوس الشعب سوتله ترهيب!
.
ندور افصول صرنه انريد طكات!
وجم اعكال عدنه ايجره تشريب!
.
بقينه انوصوص أندَور السلامات!
هيج امخربطين ابلايا ترتيب!!!
.
تركنه الفزعه *والنخوه *وعلي اوياك*!
وصارت (عفيه الجانت) كبل عيب!!
.
بحيث الذيب نام ابزود النعاج!
لأن هذا الوكت ما والم الذيب!
.
اذا صارت الدنيا ابقفلة الباب@
الهوه ايدور الهوه من المرازيب!
.
وبعد لتظن عجيبه ابشوف الاطفال
من أجل البقاء,, ماخذهم الشيب!!!
.
بقى عندي سؤال الهذا ولذاك
شرط عنده ضمير الرايح ايجيب!
.
اثنين اجروح تلكه ابهايه دنياك!!
وتبقه اللجمه من اجروحك اتصيب
.
اذا يشفه ابدوه جرح السجاجين!!
بقه جرح الكرامه ابيا دوه ايطيب!!
بس جرح الكرامه ابيا دوه ايطيب!!
حسين االساعدي
رد مع اقتباس
المشاركة الأصلية كتبت بواسطة هيڤينے
