ما تجوون!_حسين الساعدي
ما تجون !
اجروحي حيل امشرشبات وهسه نصهن بالسجون!
يلي حلفتولي نحبك
وانته غالي و ماتهون!!
صاحوا المازاد بيه ,,, والشماته ايزاودون!
وغيمت بس الله ساتر
خايف إتنكط خناجر!!!!!
وعندي ما ضلت مساحه_ بالظهر للي يخون!
وما تجووون!!
انتوا زين اتعلميتوا بسرعه تنسون اليكون!
بس فرح تستقبلونه
لا عذاب إولا شجون!
وأنه من هاي الحيات اتعلمت بس الجنون!
صرت أريد المستحيل
ودمعي بالحادي يعيل !!
مثل ما راح ابظعنكم,,, هسه يرجع بالظعون!
وما تجوون!
جنها كل الدنيا ضدي!
ودَمعِتي اتلوم اعله خدي!!
يعني بس انتم البقيتوا!,, ليش خيبتوا الظنون!
وما تجووون!
امكابله الصوره ابهجر ما منه كافي!
العين تمطر بالعتب من التجافي!
يادربكم ,,, لأن ينطيني العوافي!
ضلت الذاك الدرب
تربي العيون,,
وعيني تعبانه ابسهر ليل السكون!
وانتوا شو جنكم نسيتوا ,, وما تجوووووون!
ما تجون!
حسين االساعدي
رد مع اقتباس
المشاركة الأصلية كتبت بواسطة عبـاس ۦٰ
