أسوأ 5 مشاعر قادرين يغيروك 180 درجة
1 - " الخُذلان " :
من أقرب صديق الك بعد مدة طويلة ، و كأن كل اللي كان بينكم مبني على مجرد فعل ورد فعل و حب زائف وكلمتين حلوين.
2 - " الوِحدة " :
من وسط كل اللي حواليك .. أصحابك ، أهلك ، معارفك ، العابرين في حياتك .. إنت لحالك محدا قدر يخطفك منك و يخليك تشعر بالأمان بأنه الك إنسان تاني علاقته فيك مبنية على أساس إنه يشوفك بتضحك بس مش موجود.
3 - " الصدمة " :
إنك تنصدم مرَّة و اتنين و تلاته و كل مرَّة في شخص كان أقرب الك من التاني لحد ما صار عندك هشاشة نفسية و غير قادر على دخول أي علاقة بأي شخص في العالم تحت أي مسمى كان.
4- " الحب " :
إنك تحب بكل شيء جواك ، و تكاد تجزم إن هاد هو الحب الحقيقي في حياتك و إنت عمرك ما حسيت الشعور هاد من قبله ، و فجأة تكتشف إنه سراب و وهم و إنو كل مشاعرك هاي كانت جواك لحالك وموجّها للشخص الغلط ، الغلط تمامًا.
5 - " الفقدان " :
مش فقدان شخص ، فقدان نفسك ، إنك تتوه منك ، تنساك و تتغير عليك ، ملامحك تفاصيلك روحك حتى تبهت منك ، تتفاجئ إنك إنسان تاني حد ما تعرفوا غريب عليك ، فقدان النفس أسوأ فقدان.
رد مع اقتباس
المشاركة الأصلية كتبت بواسطة أيٰوشة الہٰعنزيٰه
