وداعتَك آخر قصيدة وياك هاي وماأخرَك
وإفتهمتَك وأدري جانت غلطة مِني ..
مِن ردت عَ الحُب أجبرَك!
وهيّ أبد مو منطقية
طول عُمرك ماصرت فَد يوم إليه
شبيه خايف لا أخسرَك؟
وآنه أعذرك ، انتَ ماشايف حمّل
هَم التفاصيل الصغيرة شگد يتعبَك
صرت أخاف من الشوارع ..
والأماكن والأغاني البيها أذكرك
أحسب لنسيانَك وماأنام إذا مو
بالرسايل أكعد وليلية أدورَك
لخاطرَك صغرت رُوحي ..
لمن كالو مو بعمرَك
وكَوه چنت بعيني أكبرَك
صَح طُفت نار البكَلبي،
بَس بعَد ماطافي جمرَك
شگد بعد ينرادلي أمشي بدرُب نسيانك وأعُبرك؟
وإنتَ ماعندك حَبيبي وياي ذكرى
ولمن تنساني أعذرَك
رد مع اقتباس