هنا

[افول]

تعاونت اویه همی او سلّبانـــی
(سلّبانی)
او عرفنی زین لاکن سلّبانــی
(سئل ابنی)
حمد نفسه ابکراهه او سلّبانی
(سئل بانی)
جلب موتی اذا اترکه اباذیـــــــــــه

[افول]

یخیعونه السکن گلبــــک و داراک
( دارک)
احبّن اجلس اببیتـــک و داراک
( اساعدک)
گلبی سکن بجفونک و داراک
( ایدور علیک)
طیعه او لا تشمت الناس بیــــــــــــــه

[افول]

طور اغناک فلّش گلبی آنــــــــه
( گلبی)
عجیب الصوت لاکن گلبی آنــه
( قل بیانه)
قوافی الوان شفنه او گلبی آنه
( قالبه آلنـه)
انکسر قالب الصدقه او نشف میـــــــــه

[افول]

حزینه الروح ما فرحت و عــــادت
( عیدت)
طردهه البین من حضنک و عادت
(و رجعت)
سمعت البچی ابذاکرکم و عادت
( تواعدت)
تموت او لا تواسیک ابمنــــــــــــــــیه

[افول]

شبابی اویاک گذّرته او تعادیـــــــت
( تعدّیت)
لجل حبک مع احبابی تعادیـــــــت
( عادیتهم)
اشکثر عیلات من عندی تعادیت
( انت عدیت)
اشکرک دوم عمرت الثنیـــــــــــــــــــه

[افول]

شباب اویاکم اخدونی خیلکم
(اخ الکم)
اشد ارچاب و اترجل خیلکــم
(خیلکم)
اعتبوا لو شفت مره خیلکـم
( خیالکم)
علی حبکم فرحت ابهل مســـــــیه

[افول]

بعد ما ضل صبر عندی و لا مـر
( ولا امر)
شربت الصبر من غصبن ولا مـر
( ولو مر)
نسیتونی اذا منشد ولا مــــر
( ولا اسئل)
عساهه اببخت من باع الثنـــــــــــیه

[افول]

شفتنی او درت وجهک ماردتنی
( ما تریدنی)
ابسبب دنیاک خانت ما ردتنـی
( ما رادتنی)
ابمضیفک عطشتنی ما ردتنـی
( ما شربتنی)
خسیس اصبحت ما تسوا الهویــــــــــه

[افول]

ارید اسهر و انظم اشعار واکتــــــــاب
( کتب)
اعلی ذاک الچان عاده اهواه و اکتاب
( ولک تاب)
علی هجرک اجر ابنوح واکتـــــاب
( و اکتب)
یجینی لو احبه ابیت ابیــــــــــــــــــــه

[افول]

اکتبوا فوگ راسی مات ابونه
( مات ابونه)
ابوکم دوم حبکم مات ابونـه
(ما تردونه)
معلم درّساکم مات ابــونه
( ما تهابونه)
انتِظَر ریحت هواکم بل وطـــــــــیه