هنا

[ملكةه]

مرحباً بكم أحبتي ..بين رمضانين ... ماضٍ وآت ..
يمتد خط مستقيم من العمر ..
الليالي .. اللحظات المسجلة في ذاكرتنا ..
شريط من الارشيف ..
نختزنه .. نؤسس له اطاراً لنضعه فيه .. نمرره امام اعيننا .. نؤشر .. خطاياه .. خيباته .. اوراقه الذابلة ..
كما نؤشر افراحه .. سعادته .. تفاصيله المؤثثة بالروح .. والنبض ..
هنا .. يكون الاطار .. لترسموا اللوحة .. لتحددوا حدود المحطات التي أشرها ارشيفكم على امتداد المسافة بينهما ..

هنا ..

1) سيكون لنا وقفة رمضانية مع عضو من الاعضاء .. يدوّن ما اثّر به .. ليكون امام الجميع ..
2) سيكون العضو المستضاف فاتحاً قلبه لاسئلتهم .. ومخيّراً بين الرد عليها او الوقوف صامتاً قبالتها ..
3) وبهذا ستكون هناك جائزة للعضو الذي يحصد اكبر عدد من التقييمات بضيافته ، وهناك سيكون تصويت لمعجبيكم في نهاية المطاف .
بعدها ستستقبل أسئلة الاعضاء .

4) قبل ان تبدأ : دون تاريخ وزمن حديثك ، علماً ان الاستضافة مدتها 24 ساعة فقط وعلى الضيف انهاء حديثه واستقبال الاسئلة في النهاية


كونوا بالقرب أحبتي لنرى أعماق الدررين



ضيف الحلقه
عباس

[هـآئِـم ۦٰ]

شكرا زنوبه للاستضافه الجميله
والموضوعك الجميل

[ملكةه]

شكرا زنوبه للاستضافه الجميله
والموضوعك الجميل

الشكر لك لقبولك الدعوه نتركك مع قلمك

[هـآئِـم ۦٰ]

السلام عليكم أصدقائي الغالين
اني من برج الحوت ولادتي ميسان 25/2/1996
طبعا حياتي كلها متقلبات منذ الولاده يعني تخيلو اني عمري شهرين صابني مرض خطير الله يجفيكم شره احتارو الأطباء وياي وأهلي أيسو كلش بحيث الموت جايني لا محل للشك ف خلوني بالقبر ورادو يدفنوني فجأة كمت اصرخ وبعد تعرفون قلب الوالده حنيه فما رضت اندفن طلعوني ورجعو للأطباء وماكو حل المهم اكو مره كاعده يم والدتي بالمشفى وسألته شبي الطفل كلتله كذا وكذا كلتله حله سهل جيبيله قنفذ وشربي من ماي مايه فراحت الوالده ع امل اخير اعيش لسوك الغزل وجابو القنفذ وصار تشريب شربوني وكولوني من لحمه والحمدلله هسه اني عايش بفضل الله وأهلي ع فكره ما اذكر شي من طفولتي لحد الاول ابتدائي
مختصر للطفوله لما شفت بيه شي كبرت وجنت من اذكه الاشخاص بمحافظه ميسان عامه طلعت ٣ مرات ع التلفاز وكرموني اول متوسط وثاني والثالث
المهم وصلت للسادس بتاريخ ٢٠١٤ كله تصيح عباس ١٠٠ طكوني بعين الله يستركم منه بحيث وره شهرين من الدوام اتشكت رجلي والدم فياض وبنفس اليوم توفى خالي الله يرحمه جان صدمه قويه لي بحيث عقلي فعليا وقف ومدخلت بكلوريا بسبب الغياب
كمت اكره اي شي بي دراسه بحيث السنه الثانيه ٢٠١٥ نجحت واني ما قاري بس بيوم الامتحان بمعدل ٦٠ والاسئله جانت نار وصراحه جنت استحق ع الاقل معدل ٧٥ ضلموني بالتصحيح بسبب خطي التعبان وراهه قررو اهلي اسافر لروسيا ادرس هناك رحت واني كلشي ما اعرف ولا مطلع ع العالم الخارجي يعني فطير كلش من الله ع نياتي فتم استغلالي هناك يعني قفصو عليه هوايه بعدين يكلك الغربه تعلم السنه الثانيه أتقنت اللغه وكمت اطبخ كلشي بتاريخ ٢٠١٧ بعدين صرت مرحله ثالثه هذا كله واني ما فاتح كتاب معتمد ع شرح الاستاذه وصلت مرحله ثالثه ب ٢٠٢٠ اضطريت ارجع بسبب كورونا انعدمت سبل العيش هناك كلشي انسد وأهم شي البنك كان مغلق فما كدرت احصل فلوس كلت ارجع شهرين ٣ بين ما يستقر الوضع وحدث الي ما جنت متوقعه الطريق انسد وانفصلت وهاي الصدمه الاخيره فعلا عشت حياة قاسيه لكن الحمدلله ع كل حال!

[هـآئِـم ۦٰ]

بالنسبه الرمضان أغلب الاشهر صمته ما عدا ٣ اشهر من تركت الصلاة والسبب اني نفسي ما اعرفه يمكن بسبي الصدمات الي صارتلي لكن الحمدلله عدنا وبقوه للصوم والصلاة وقرأت القرآن احله شهر رمضان عشت اجوائه بروسيا بتاريخ ٢٠١٧ ما اذكر التاريخ بالضبط جانت المه حلوه وكل يوم الطبخ ع واحد ونمد السفره بشكال متنوعه من الاكل وجانت ايام حلوه الصراحه اتحسر عليه وسلامتكم ننتظر اسأله الغوالي

[ملكةه]

شكرا عباس لهذا السرد الجميل والمقتبس من حياتك

سوف نترك الجو للاعضاء للاسئله عنك

[أشجان الروح]

اهلا اخ عباس نورت
ماشاءالله عليك حرامات ماكملت
الله يوفقك...
وهذا كم سؤال ..
-رمضان ويه عائلتك احلا لو بالغربة ويه اصدقائك ؟
-شنو تعرف تطبخ ومن رجعت للبيت هم جربت تطبخ ؟
-شنو اكثر اكلة تحبها برمضان ؟
-وشنو طموحك او هدفك بعد كل هذه الصعوبات تكمل لو توقفت ؟


شكرا للاضافة زنوبة

[هـآئِـم ۦٰ]

اهلا اخ عباس نورت
ماشاءالله عليك حرامات ماكملت
الله يوفقك...
وهذا كم سؤال ..
-رمضان ويه عائلتك احلا لو بالغربة ويه اصدقائك ؟
اكيد ويه الاهل
-شنو تعرف تطبخ ومن رجعت للبيت هم جربت تطبخ ؟
كلشي اعرف ،٠ اي طبخت بالبيت فد شي
-شنو اكثر اكلة تحبها برمضان ؟
دولمه
-وشنو طموحك او هدفك بعد كل هذه الصعوبات تكمل لو توقفت ؟

حاليا جاي ادرس مرحله ثانيه هندسه تقنيات الحاسوب
شكرا للاضافة زنوبة

شكرا اشجان ع المرور الجميل والاسئله الأجمل ورده

[وَتِــيـن ﮩ]

موضوع حلو زنوبة

واهلا بضيفج

طبعا الله يساعدك ع معاناة بس هاي الحياة مابيها عدل ومتمشي مثل منريد ولازم تطلعلنه منغصات بس لازم منترك ومنيأس ابد ونضل نلتجأ لرب العالمين ونحاول مره وعشره

كُل العقبات التي كنت تُجزم على أنها أصعب من أن تتجاوزها، هي اليوم خلفك لتتأكد أنّ الله لا يُكلف نفساً إلا وسعها..

[محمد صبيح]

شكراً زينب لهذهِ الإستضافة الجميلة
عباس ، نورت الموضوع .. والأحداث الي حجيتها كلش قاسية ومحزنة
لكن استفسار للمقتبس من كلامك ، بصراحة مفهمت
يعني أهلك رادوا يدفنوك وانت حي ؟!
ولان قلب الوالدة منعهم رجعوك لو شنو القصة ؟

ف خلوني بالقبر ورادو يدفنوني فجأة كمت اصرخ وبعد تعرفون قلب الوالده حنيه فما رضت اندفن طلعوني