چلبت بالشباج حته الصبغ طاح
ترضاها يالعباس ذاك التعب راح
لَيــِش اليجي مــِْن الباب مايلگه تقدير
واليعبر الحيطان عدكم نبي يصير
رغم ضيم الوكت والوجع ما گلنه ..
نضحك والدمع عل العين يدنه ..
مقتنعين بالدنيا شيصير يصير
ما نكفر ونسأل يمتى نتهنه ؟!.
ما نكره بشر طيبين چن تنور
شما تحرگنه يطلع بس خبز منه ..
ومن نعشگ عشگ نوصل لحد الموت
واحدنه إعلى ولفه عيونه ما هنه !..
بعدها هدومنه معلگيها عل الحيطان
وبعد بيبانه بكل هويه تتدنه ..
وبعدها أطفالنا ترسم وجه عل الطين
وفطور السگف بالمطر تتغنه ..
رغم كل هذا نبقى نغني للعشاگ
وتظل حبوبتي بكل عيد تتحنه ..
أنتوا منين ؟ أحنه السمر ولد الگاع
منحب نحچي هي الناس تسألنه ..
صلفين بشكل بس ويه بت البيت
خجلنه من الجدم للراس يآكلنه ..
وطيبين وتحبنه الناس والمو ناس
ومرات الشمس للباب تتعنه ..
ادهم عادل
الما يريدك لا تريده
مو كلام وجاي اعيده
الدمه بارد يبقى بارد
لو نحط الشمس بيده
الميت بالحلم تفسيره عمره يطول
والميت عليك شلون تفسيره !!
وتريد مني الصدك ؟
مااضم عليك احجي
نوبات احبك صدك
ونوبات اكرهك صدك
صدكني المشكلة
بأثنينهم ابجي
وتريد كلمة بخت
محد يعوض غيبتك
لاهلي ولا ربعي
انة تمنيت دفنك كون دفن سلاح
اليحتاجك يرد الگبرك يطلعك
خل عينك بدربك وانت مشاي
النظرة المو نظيفة تغث الحسين
إلك بستان عمري بكل ثمن مزروع راضي بكلشي منك كلشي يحلالي
أجيك ومن أرد فارغ أردّ للغير وعنب بس على مودك تارس أسلالي
