هنا

[ارجع يازمان]

#الخوف الكبل ماواحد ايشوفه!,,
بقة ينشاف!
ماضلت ثقه,, والناس كلها #اتخاف
مجبورين منحط عالوجه عنوان @ حتى انضيع الأوصاف!
#كلها #اتخاف!!
الدنيا اتحولت غابه ,, ماتلكه ورود ابشجرة الصفصاف!!
بس تلكه الذيابه
اترقب ابهلناس!
واليغفل يصير امكطع الاطراف!
#كلها #اتخاف!
اليحبك
ينصحك
بالجرح لتطيح,,
لأن بس لو طحت.. تنعاف,
وما ضلت اجتاف اتشيل اليطيحون,,
(المجهول اشترى) ابهل دنيا كل اجتاف!
المطره اتلوح كل الناس,,
هيج الظلم عنده انصاف!!
هوَ ايحدد الاسعار ! ابكيفه ايصنف الاصناف!
الديوان الكبل.. يتمنه يلكه الضيف ,,,
هسه ايخاف لا ينضاف!
#كلها #اتخاف
كبل بالركضه نوصل ننقذ المجروح ,,
وهسه اسعافنه محتاجه للاسعاف!!
ابسلفنه اشيوخ كومه......
اتعدها بالالاف!
وكل يوم السلف ينحاف!!!
المدينه الوكحه
كام اتوكح الأرياف!
والحايط بقه ماله ثقه بالساف!
#كلها #اتخاف!
اذا رايد تعيش ابخير,,
كون
اتشوف ما تنشاف!
وكون
السانك اتكصه!
,,لا تنسه وتطلع الصوت,
والصوتك يجي الخطاف!
أحذر من البكل سنه (المكه) ايروح!....
عرف حيتانها (ابكثر الطبل ) طواف@
الهم دين الله
فصلوه تفصال
#بالغيبه
#ودجل
#والذم #والاستخفاف!
المثلهم .. مو ثقه عنده خلل ينعاب!
البايع ضميره,,, ايبيع كلشي انشاف!
لتثق لو حلفلك
لو يطب #قرأن,,
القرأيين اشكثر مهجوره بالاوقاف!
القرأيين اشكثر مهجوره بالاوقاف!!
#حسين #الساعدي