هنا

[فقار الكرخي]

نسيت اطويت صفحه من هوانه
وعجـب تسأل تكلي منهـو آنـه
اليحب جان ايتنفس من هوانه
وهوه الدنيه كطعته انته عليّـه




يامن فاركت شملي وشملاك
سمعنه والحجي يخصك وشملاك
اذا غيري وصل خدك وشملاك
حرام يبوس خد الچان اليه




وحق الما وصل واحد مكانة
تدري شگد الك عندي مكانة
شلت گلبي صرت انتة مكانة
ونبض البيك نفس النبض بية




الاخو الزين مثل الكمر بسماي
وعلى فراكة تجري العين بس ماي
واذا مرة نخاني وصاح باسمي
اقدم الروح لعيونة هدية




اصيرن جفن لاحبابي وظل عين
واظل بالشده واكفلك وظل عين
ست اعظام اكسرلك وظلعين
و سويهن جسر واتمر عليه





حبيبي شزعلك مني وراضيك
بعيد وهاجر احبابك وراضيك
تعال وهين اعتابك واراضيك
تجيني وتاخذ اهدوم العليه




الصاحب دوم اكرمنه واقدره
ومن طبعي فلاخونه وقدره
وحك رمضان وايامه وقدره
خوي انت وماانسه الخويه




حبك صاغ كلبي وانتجنه
يريدك إن تعذبه وإن تجنه
شلون تضن اعوفك وانت جنه
إذا عفتك جهنم تصفه ليه




تعال وشوف حبك موتلفني
واذاأقبل بهجرك موت لفني
قبل من جنت ابرد موتلفني
دلفني شبيك اني اكبر خطيه




الزمان ابفرگتك حزين حزنه
وعله كل الحزن والنوح حزنه
تعال اعله الدليل وشوف حزنه
مغيم ماصفه ومخبوط ميه




وحق السلوى والمعبود والمن
تعال اجروح الي بجفاك والمن
عندي ادموع گد فركاك والمن
بس لجلك اصبهن عل الوطيه




وحك رب العرش وآدم ونوحه
عليك الگلب ماكف يوم نوحه
اذا يعگوب عما له العين نوحه
انه نوحي اعليك جرّعني المنيه

[هـآئِـم ۦٰ]

عشت فقار مجهود مميز

[فقار الكرخي]

الحبيب

[Ail..]

ابداع رائع وطرح يستحق المتابعةشكراً لكِ بانتظار الجديد القادم
دمت بكل خير

[فقار الكرخي]

منور