هنا

[ارجع يازمان]

الزلزال الهز العالم
الله اموديه ابهل حاله!
,
ايذكرنه ابنوح وطوفانه
الما سلموا من عنده اعياله!!
,
لا جوف الارض إولا تربه
كل عالم لتصدك أقواله!
,
هذا انذار وربك رايد
تمشي بقرأنه وتبراله!
,
صاروا جواها الفوكاها
ابغيض العايل عل عياله!
,
واقصور الجانت تتباهه
الماتنطي امن الخير اوشاله!
,
ابرمشة عين انمسحت كلها
وصارت جن ساحة خياله!
,
واليطلع سالم يتمنه
يهدي الأنفاس الاطفاله!!
,
موقف مرعب وبلا موعد
يوصل لبنادم باعماله!
,
بس المؤمن ما يهتمله
وميخاف ابهزته وزلزاله!!
,
ايام وربك طلعهم
شبعانيين وباحسن حاله!
,
جا ياهو الجان ايوكلهم!
ويشربهم ماي ازلاله؟
,
صاحب الله امأمن نايم
ومرعوب الصاحب دجاله!
مرعوب الصاحب دجاله!
حسين االساعدي

[هـآئِـم ۦٰ]

عاشت ايدك حبي صوره شعريه جميله

[ارجع يازمان]

عاشت ايدك حبي صوره شعريه جميله

هكذا وبكل مره كان مرورك العطر يعطر كتاباتي المتواضعه
دمت بخير