درر العراق

المستشار القانوني · 18/March/2023

في عام 1967 كتب الشاعر الكبير عريان السيد خلف قصيدته الشهيره ردي ردي والتي ذاع صيتها واخذت ترددها الناس وبقيت حيه في ذاكرة المتذوقين للأدب الشعبي...كونها قصيده رائعه عبرت بصدق عن مرحلتها ولازالت...وقد رد عليها المرحوم الشاعر عبد الواحد الهلالي في ذات السنه بقصيده مرادفه لها بعنوان تدري تدري وسنضع قصيدة ردي ردي للشاعر عريان ثم رد الحاج عبد الواحد الهلالي عليها وهي هديه مني لكل متذوق للشعر الشعبي العراقي وخصوصا من ذكرتنا بها...مع الاعتزاز

قصيدة ردي ردي
ردي ردي ياظعن شت عن هله....وحداي غربه البيه يحدي ردي ينباع العشك وليا كلب تهوين صدي لا تهيجين الجروح...اجروحي من تنلجم تدي وانه من دم ولحم...مو من صخرجبدة العندي ردي..مليت الصبروامكاطر الدمعه على خدي وانه خلاني الوكت ناعوربس اترس وابدي جورت ليل الصبر...واعجزت منه وهذا حدي بلجي من يغفه الجفن ما جلمة التنكال بعدي انه موش اول زند.....يشتل شلب ويحصد بردي ولانه بس اتغربت....والمعتنيله يصير ضدي ردي ردي مالي حيل امعاتبج وانا العليج اديت جهدي غلست عن الكلت والكال كمت اسمع وعدي والله جا مل وجزع لو قصتي على ايوب تسدي ردي..انه مو طبعي العتب علما حلاله ايصون عهدي ويا رخص ذاك الجدم كون اعله ياهو الجان يبدي ردي ردي يالهويتي بلا وجاد ...انوب من تهوين وجدي وانه خلاني الوكت ناعور بس اترس وابدي

رد الشاعر عبد الواحد الهلالي بقصيدة تدري تدري

تدري تدري.. دمع العيون بسواجي الوجن للغربو يجري يوم حادي الي نودهم وية غبشه كام يسري يالحديت زمول ولف الجهل ماخلفت تدري اني ضليت بدماث الدار اخذ منها واذري جبست عيني المدمعه وكحلتها بحرك صبري وكلت يانار الشماته شبيج من جمراتي وجري انه سندان المصايب مايهزني مداك دهري جروحي لو هاجت بحسرة تذوب من تجميل صبري جورت ليل الهجر ماعجزاني وطاع لأمري وانه ذاك انه الزرعت الشلب واستافيت بزري وانته يا عريان زرعيت بصبخ واحصدت جمري وتدري تدري.. ضاعن عطور المروة ولا عرج للعين يمري وبعد لاظلت سماحه وطيب من فكرك وفكري شلون تطلب منه توفي محبتك وتكلهه اصبري انته ماتدري الغدر عادات اصبح فيق واشري ضاعن ايام الصدك مايلتكن والحب العذري تدري تدري.. شاطرت حزنك ونوح النوحتك ونة الجمري وشفتك بشاشة خيالي نحيل من الوجد معري تكول نحي محبتك عن مغرم ابلواه مبري ويالهويت بلا وجاده تكلها من تهوين احذري ليش تشرب ماي منه جن تكول النهر يغري انه اكللك وصيه محب كاضي بهاي وطري لا تبدي على السراب الجود ضنك ماي خمري لا تبدي على السراب الجود ضنك ماي خمري