هنا

[افول]

حنانک جرّب انفاسی
بحرمای
دخلت او ما خنت طیبک
بحرمای
ترکت الما وفه ابگلبی
بحر مای
ملح و جروح شعلن نار بیه

[افول]

حرت واعیونی دم صبن
و ناحن
علی الما ودع او سافر
و اناحن
المصایب بعده زهدنی
و نا حن
مثل مطر النمیم اینم علیه

[افول]

شبت من کثر ما افکر
و اداعیک
شبر ما خذت من گلبی
و اداعیک
صریمه ایبزبز ابذهنی
و اداعیک
سراب اصبحت و اترکت الثنیه

[افول]

العتب خربص سنان الحب
و جره
شتل رمحه ابگلب ضامی
و جره
نخیت البیه وفه ایفهمه
و جره
ایتعکر دوم و آنه النار بیه

[افول]

احلفک یالجفیت ابقهر
بسعاد
اعتنی لدینارنه و اشترک
بسعاد
اخلافک ما بغی بالجسد
بسعاد
السعاده اویاک راحت والحمیه

[افول]

خلص صبر الشعر لجلک
و ریته
الورق غطی الحلم بعدک
و ریته
الشجر لم لم جروح الحب
و ریته
احس بالگلب دگاته ردیه

[أوجاع الروح]

و حـگ الـ خـلّوا ابـمڪة قبلته
عـدوي الـ خاطرڪ چـفه قبلته

عذرڪ ملتهي ابـ شغلڪ قبلته

الرسـايل ليـش تگطـعهن عليـــه

[أوجاع الروح]

يناهي بيا عـــذر جـافيت وعميت
عليّ و من ونيني اعليــك وعميت

ثلث ترباع حيلي !! انهدم وعميت

بجفـــاك و ضـل هــواك ايگــود بيّـه

[افول]

وحگ الما خلف قوله و عيده
احب رمضان واصيامه و عيده
اليوفي دوم اخــدمنه واعيده
و اصيرن له جـــسر يعبر عليه

[افول]

وحگ روحي التحبك و التهابك
لچن بعدك حرگني و التهابك
هايم بيك عگلي و التهابك
چذب مثلك عزيز ايصير اليه