العايش غريب بدنيته يضيع
لطاري الوفه يسد المواضيع
مو هينه يعرض داره للبيع
من ينفگد كل عشر اسابيع

من توگع بشده ويه الاغراب
و چلمه هلا ماكو من الاحباب
جارك اخوك الباب بالباب
لو حشمت يضحك للاصواب

اعله البيت اجوا من عاملونه
بأي سعر رادوا يشترونه
و الذكريات شلون تنباع؟
تسوى العمر ضحكات ابونه

قاطك سبحتك و الدشاديش
كلما اشمهن اصرخ افيش
بكل روحي اخمهن لمن اشتاگ
چن عسكري وكل ساعه تفتيش






سيف العبادي