هنا

[افول]

مو غرور
بس اکره کلام الزور
و الشمات
و اکره کل بشر بد ذات
ولا اعاشر صدیق الیحفر النه اقبور
مو مغرور

مثل کل نخله متعلیه
ابعثگها الخضراء متحلیه
الکصب والزور ما ذمهه
و لا ذکراها بالمنشور
مو مغرور

الگلب مطرور
صرت دخان صاعد بالهوا او خجلان
یبوس الغیم
احس بالغیم مثل الفجر یربی او بالشتاء بردان
و احس موگد اهلنه ایغازل التربان
او گلبی امجفف او منذور
مو مغرور

[افول]

طفل یلعی الشعر
وامگمطه نص اللیل
الناس امدده او تتحلم اوصافی
و انه نایم چفی حتی انسه طیفه اویای
ولاکن هالشعر ما کفنی متعافی
او شب ویای طول ابطول
حارمنی الوناسه
او حارگ الحافی
او گلبی ملتهب من ناره
ظل ایفور
مو مغرور
سرت طیر او طرت
ترکیته الملاح
دوم الدهر متحزم یهد باسلاح
شفت اطباع منه او من غدر حاله
یصید البگه بهمومه
او خطا اجماله
او مشیت ابعید
یوم العید
بس آنه او جنطتی
او بیتی و ادلاله
کسرت السکته بیدی
و الفکر محضور
مو منصور ولا مسرور
الوچ ابناری و اتلاهب عصاء ابتنور
مو مغرور

[افول]

او تبعانی الوکت خاطف منایا اهوای
لچم جرحی النزف باحلامه ذمانی
جلسنی ابدار ظلمه او صکک البیبان
جسد مشبوگ وسط الگبر غطانی
احس خجلان
مو خجلان بس امعاشر الحرمان
او سهرنی ابعذابه او بیدی حط نیشان
غشمرنی ابزعل واتهاده ابن رضوان
ذوقه ما حملنی امبلل او مشرور
مثل هاون صرت صوتی یرن و ایفور
مو مغرور
من یوم الصرت و اتعلمیت الاه
شربت المای من آیات ربی او ضگت لذاته
او عرفت البیه رده للناس
ما یغرگ ضمیره ابموج مداته
او عرفت الناس میة طیف
مرسومه اعلی وادی الارض باغاته
بیهم ملک ما ینقاس
او بیهم بد وفه او بالدنیا عازاته
او بیهم سید او سلطان
اوبیهم حاقد او خسران
او بیهم بالسان اتلوگ هوساته
او بیهم عاقل او مجنون
اوبیهم بالمظیف ایعلی چلماته
او بیهم صاحب الصحبان
او بیهم خاین او مرفوضه طلباته
او بیهم بعد بیهم ما یسعنا انگول
اترکهم للمقابر حگهم اسباته
کلام الناس ما ینقاس ما شفته ابعداله ابکل ربیع ایزور
مو مغرور ، مو مغرور
وحق رب التعبده امن الدهر مکسور
مو مغرور

[آدم..]

مو غرور
بس اکره کلام الزور
و الشمات
و اکره کل بشر ذات
ولا اعاشر صدیق الیحفر النه اقبور ..

فعلاً " بعض النفوس .. حقول الغام .. ممنوع الاقتراب منها ..

[افول]

مو غرور
بس اکره کلام الزور
و الشمات
و اکره کل بشر ذات
ولا اعاشر صدیق الیحفر النه اقبور ..

فعلاً " بعض النفوس .. حقول الغام .. ممنوع الاقتراب منها ..

و فعلاً