هنا

[افول]

لا تندس غفل
لا تشعل النیران
التهده ما عثر روح
اسئل احبابک
بگلوب التودهم
و احرص البستان
یجی یوم ایتفلش صبر غیابک
هود
لا توز و اتحطم الحزنان
الف لعنه التجیک
اتدمر الجابک
عرّب کل کلامک
و انصح الشبان
لا تفرق غریب امن الدخل بابک
لتعاند عمامک
بالسلف تنهان
تچایه ابعذابک
عندک انسابک
باوع
و الدهرو العزه الک نیشان
بوجود الاهل
ما ینمس اترابک
لو دگ التفگ
تتخالف الضرعان
او من دون العضید الزمن
ما هابک
تدثر بالمحبه
او باشر المیدان
لا ترفس زعل
و اتمشی دولابک
الجسد یبلی ابغرامه
او ینطر الدفان
ابلحد دار النهایه
او ینشلع نابک
صگد
بایاته مذکوره الانس والجان
خلیفه اعلی الارض
لا تنسی محرابک
یعمّر لو یدمر خلقتک یفلان
العمل محمود بالجنه الذی جابک
عوف العفرته
عوف الکبر
و الشان
عوف الکفر
و اعبد ربک الهابک
الحسد باب الندامه
و الچدب خسران
او علی الهاین عمامه
ابراحه سد بابک
انصحک
علّم السانک یضل حمران
السکوت
امن الذهب یتحسن اعرابک

[أوجاع الروح]

راضي بعشرتك لو تبقه بس نضرات ..
احس ذني اليه و هذا يكفيني ...

مبارك عالجرف بس كون اشوفك ماي .

صخره الروج فوك و لا ترويني ...

بعد ما ضل ذهب حتى افرك المصباح .

و المارد طرته اشعنده ينطيني ..

حركتي البالكلب تطلع عليه بساع..

شما الزم جمر ما احسه يجويني. .

[أوجاع الروح]

سميتك محنه وعاطفه واشواگ
لهو تگظي وكت شتريد سميني

واخذ شتلة غرامك يا عشگ يا شوگ

بس عاگول صدگ ينبت بطيني

دخليني اعلى بختك انه ما مجبور

بيدي انحت اله واكفر بديني

وليش اطلع شمس وادري انته طبعك ماي

وتصعد غيم منه وتوگف بعيني

بلبل بالقفص لا تحطني بالبستان

يا غصن اليميل بنار يچويني

كبرت اعلى السهر ومرودك سچين

شلي بكحلة غرامك كون تعميني

العشگ عندي عشگ ما عندي هيچ وهيچ
* واجيك وما تتانيني

ولو حسبه حلم طيش الشباب يعود

مچتفني الوقار وما يخليني

وگلت عيني اعلى نيتي وشفت ظلك فات

وعلى طينة خيالك غمست عيني

[افول]

موعجيبه
کافی طیبه
الشوک ناکر ذکریاته
الوادم الداست گلبنه
مو غریبه
.....
سافرت من غیر موعد
و ابلا وداع
چنت احس غالی او شریتك
بیتی بیتك
ابذهب خالص
مااااااا یباع
انجرح گلبی
او عالسریر ایخر دماه
او ضاع من عندی
طبیبه
الچان بیده ایحس
دمعتی
ابلیل
و ایمشّط گذلتی
سافر ابعید اشیجیبه
مو عجیبه