هنا

[نصرالدين البلداوي]

سر خلودك
الرادود باسم الكربلائي
ناظم الحاشي
الليالي الكاظمية

الحقوق محفوظة لدرر العراق
كتابة / نصرالدين البلداوي




سر خلودك .. من قيودك
ما يكدر السجان ... يحجب ضوه القران
من قيودك ... من قيودك

سجانك يكدر يا موسى ...عن جسمك منع الأنفاس
لكن ما يكدر يمنع ..ضي افكارك عن الناس
لاء حسين بدمك تجري ... وبصبر احسينك تنقاس
يالراسك من كثر الغيرة .. شايلته جفوف العباس

وانت غيرة من ضميره
حاربتوا كل شيطان
يحجب ضوه القران

من جابوك بسجن البصرة ..ما هزوا بيك الأيمان
يا اول مسجون انشوفك .. من عنده يخاف السجان
خايف منك وانت سلاحك .. سجادة وتربة وقرأن
يعرف بلسانك من يدعي .. حد السيف يصير لسان

رب .. سمائك من دعائك
حارب جميع انسان
يحجب ضوه القران
من قيودك .. من قيودك

ليش تخاف اتكله الوادم .. من موسى وكلبك موجوع
كلهم موسى يطيح السبعة .. لو طاحت من عينه دموع

من موسى الكاظم خلصوني ... من شافك جفك مرفوع
ما تدرون بعمه شسوه .. يوم الطف بجف مكطوع

وحده ردها .. بكل عددها
من راد ابن سفيان
يحجب ضوه القران
من قيودك.. من قيودك

ضعن الجابك من البصرة ... شايل ضدك جان أحقاد
بيدك وبرجليك ورأسك .. خلوا يا موسى الأصفاد
جنك مثل الأسرى الراحوا .. للشام بلا ماي وزاد
ظلمة ومن طبيت بنورك .. شعت واتباهت بغداد

وانت بيها طب نبيها
والبيها حاكم جان

يحجب ضوه القران
من قيودك .. من قيودك

من جابوك بسجن السندي ..هذا الغدار الملعون
خلاك باظلم طامورة... من كالوا موسى المسجون
صوتك لرب ادموعك ...وأملاك الباري ينادون
ياربي العن كلمن يرضى .. بأفعال الحاقد هارون

ندري قدرك .. طاعة امرك
والخالفك خسران .. يحجب ضوه القران
من قيودك .. من قيودك

سجنوا من سجنوا العترة.. من ياسين لحد القائم
وجن حيدر مسجون بكبره.. وانسجنت وي سجنك فاطم
سموك وضنوا يخفونه .. موتك وايبرون الظالم
ملعون اليدري المايشهد
مات بسم هارون الكاظم

واليريدك.. ايده بايدك
والينشر الاضغان .. يحجب ضوه القران
من قيودك .. من قيودك

ايام ثلاثة مخلينك .. شماتك جدام العين
سووا بيك سواية جدك .. من داست صدره الرجلين
انتوا اثنين ودمنا يحبكم .. واول مرة انحب اثنين
من انشوف حسين نشوفك.. ولو زرناك نزور حسين

ماكو منكم .. هذا حبكم
والحب بلا برهان .. يحجب ضوه القران
من قيودك... من قيودك

خلصت ايامك بالغربة .. من غربة لغربة بدنياك
ويضنونك وحدك لكن .. يالكاظم جان الله وياك
سموك وضنوا ينهونك .. بس كعبة الخالق خلاك
مو بس اليمشي برجلينه .. حتى اليزحف يتعناك

ما نعوفك .. من نطوفك
نتحدى كل طغيان .. يحجب ضوه القران
من قيودك... من قيودك

تحياتي لكم
نصرالدين الربيعي

[صقر عراقي]

شكرا لك ولهذا النشر الرائع
بارك الله بك

[علي الواسطي]

عاشت الايادي عالمجهود

[زهرة اللوتــس]

شكرا دكتور عاشت ايدك

[الرميثي]

شكرا دكتورنا على هذا المجهود الرائع