هنا

[افول]

اذاک الفاک بالسانک
من اداک
تعلّی اتنزّل ابنفسک
من اداک
الیکرهک ما یحذّرلک
من اداک
الذکی یفهم تفاصیل الغبیّه

[افول]

احبّک
گتلک
امحذرک وقل بک
اگلّک لو اضدّنّک
وغلبک
انشد عینک علی حبّی
و قلبک
اذا گلّک صدگ تمتاز بیّه

[افول]

ابجفن عینی
اصبحت دمعه
وهم بیک
او عزیز او تبغی تذکاری
وهم بیک
اذا قاصد تعذّبنی
وهم بیک
اشوّر بیک لو تکذب علیّه

[افول]

فهد فی بیت اسد رابی
وعلبک
ایخسی کلمن نکر زودک
وعلبک
یخوی الزهد من صلبک
و علبک
التسامح و الستر بیت الحمیّه

[افول]

یطامع بس بعد کافی
ولک در
تذب ضیمک علی غافی
ولک در
تدری ابگلبی الک جنّه
و لک در
او ملک الموت شاهد بیهه الیّه

[افول]

الیغیب السانه عربدله
وکحله
الجمیل اطباعه صوصت له
وکحله
النجیب ابعینی احطّنّه
و کحله
ابوسام الشیخه اقدّم له الهدیّه

[افول]

طفل گلبی یلوع اعلیک
ماهاد
یروح او یرد مهتم بیک
ماهاد
اعلی کیفک لحظه ردت اوصیک
ماهاد
یجی یوماً قبل زفت المنیّه

[افول]

المحن گلبی ابحنانه
سرّدنّه
الالم حالوب شانه
سرّدنّه
بعد مَحمَل هوانه
سرّدنّه
السبب دولاب طگنه ابشر خفیّه

[افول]

یگلبی
لا تعاتب محب
وهلاک
عزیزه النفس عندک ربّت
و هلاک
عرفته الّی حفر لک گبر
واهلاک
الیخون الملح ماله قابلیّه

[افول]

حمل گلبی مصایب سبن
وانهاک
نصحته امن الیباری الفتن
وانهاک
شفت ضافک ابللیل او علن
ونهاک
او شربت السم ابکاس ایده الغبیّه