عليكم الله كلوله ___ لعب بيه السهر جوله
من يوم المشه لليوم
ابسلفنه ماكو هلهوله
كلوله
دكلوله
,
صحت ياويلي ياويلي
وليلي صار يشكيلي
من كد حسرتي ابليلي,
امساهر ليلي ابطوله
كلوله
دكلوله
عليكم الله كلوله__اذا عنده الهجر سوله
حرف من الهجر فد يوم,, لو بس هو ما اكوله!
:::
الفرق البينه مابيني
اذكره وهو ناسيني!
ظميته ابوسط عيني
وذببني
ابديره معزوله!
كلوله دكلوله ____عليكم الله كلوله
::
تركني ابلجمتي والأه
راح واخذ روحي وياه
عايف دمعتي ابلياه
عن اعيوني
مفصوله
كلوله دكلوله!!
حسين االساعدي