ﺍﻧﻪ ﺩﻣﻌﻲ بلا ﻛﻠﺐ ﻳﺒﺠﻲ ﻋﻠﻴﻚ ؟؟
ﺍﺗﻤﺮﺩ ﺃﻋﻠﻰ ﺍﻟﺠﻔﻦ ﻣﺎﻇﻦ ﻳﻨﺼﻠﺢ،،
ﺑﻜﻠﺒﻲ ﺿﻞ يتلاﺷﻪ ﺣﺒﻚ ﺑﻴﻪ ﻣﺎﺕ؟؟
ﻣﺜﻞ ﻣﻮﺕ ﺍﻟﻠﻴﻞ ﻭﻱ ﺟﻴﺖ ﺍﻟﺼﺒﺢ،،
ﺳﺮﻙ ﺑﻌﻴﻨﻲ ﺳﻬﺮ ﻣﺮ ﺑﻴﻪ ﻟﻴﻞ؟؟
ﻣﻦ ﺗﺠﻴﻨﻲ ﺍﻟﺸﻤﺲ ﺳﺮﻙ ﻳﻨﻔﻀﺢ،،
ﺑﺎﻗﻲ ﺍﺛﺮ ﻓﺮﻛﻪ ﻋﻠﻰ ﺷﻔﺎﻓﻲ ﺗﻌﺎﻝ؟؟
ﺍﻟﻔﺮﻛﻪ ﺑﺲ ﺩﻣﻌﺎﺕ ﺿﺤﻜﺎﺗﻲ ﺗﺸﺢ،،
ﺍﻧﻪ ﺑﻴﺖ ﻫﻤﻮﻡ ﺻﺎﻳﺮ ﺟﺮﺣﻲ ﺑﺎﺏ ؟؟
ﻭﻻﺗﺪﻙ ﺍﻟﺒﺎﺏ ﺟﻒ ﺍﻳﺪﻙ ﻣﻠﺢ،،
ﺍﻣﻨﺎﻭﺏ ﺟﺮﻭﺣﻲ ﻋﻤﺮ ﻳﺪﻋﻦ ﻋﻠﻴﻚ؟؟
ﺃﺑﻜﻞ ﻣﺴﻴﺔ ﺟﺮﻭﺡ ﻳﺪﻋﻴﻠﻚ ﺟﺮﺡ،،
ﻣﺎﻱ ﻣﻨﺘﻈﺮﻙ ﺗﺠﻲ ﺷﻮ ﻣﺎ ﺍﺟﻴﺖ؟؟
ﻻﺗﻤﻮﺕ ﺍﻟﻜﺎﻉ ﺗﺘﻴﺘﻢ ﻓﻠﺢ،،
ﺭﻭﺣﻲ ﻓﺮﺍﺷﻪ ﺍﻋﺘﻨﺖ ﻣﻠﻴﺎﻧﻪ ﺷﻮﻙ؟؟
ﻟﻴﺶ ﻭﺭﺩﺍﺗﻚ ﺧﺬﻥ ﺩﻭﺭ ﺍﻟﺮﻣﺢ،،
ﺗﻤﺮ ﺳﺠﻴﻨﻚ ﻫﻮﻯ ﻭﺍﺷﻬﻜﻬﺎ ﺣﻴﻞ؟؟
ﻭﺍﻧﺖ ﺗﺸﺘﻢ ﻋﻤﺮﻱ ﻭﺗﻜﻠﻲ ﺍﻧﺬﺑﺢ،،
ﺍﻧﻪ ﺯﺍﺭﻋﻠﻚ ﺿﺤﻚ ﻣﻠﻜﻪ ﻭﺣﻨﻴﻦ؟؟
ﻭﺍﻧﺖ ﺯﺍﺭﻋﻠﻲ ﺧﻨﺎﺟﺮ ﻟﻠﺼﻠﺢ،،
ﻋﻔﺖ ﺟﺮﺣﻚ ﺟﺎﻫﻞ ﺑﺮﻭﺣﻲ ﻭﻣﺸﻴﺖ؟؟
ﺑﻴﺶ ﺍﻗﻨﻌﻪ ﺑﻴﺎﻋﺬﺭ ﻭﺍﺷﻜﺪ ﻳﻠﺢ،،
ﺣﺘﻰ ﺟﻴﺮﺍﻥ ﺍﻟﺠﺮﺡ ﺻﺎﺣﻮ ﻋﻠﻴﻪ؟؟
ﻋﻤﻲ ﺧﻞ ﻧﺮﺗﺎﺡ ﺟﺎﻫﻠﻜﻢ ﻭﻛﺢ،،
ﺍﺟﺮﻭﺡ ﻋﺪﻧﺎ ﺍﺗﺮﻳﺪ ﺗﺮﺗﺎﺡ ﻭﺗﻨﺎﻡ؟؟
ﺍﻟﻠﻪ ﻣﺎﻭﺻﺎﻛﻢ ﺑﺴﺎﺑﻊ ﺟﺮﺡ،،
راقت لي
رد مع اقتباس
