هنا

[افول]

نص اللیل افکّر
و اگلب احلام
او عجز منّی الکلام
او مل مچانی
علیمن محترگ
وامسهّر العین
او علیمن انه احب
واحد نسانی

[افول]

اعاین بالفلک
واتنطّر انجوم
الگمر
سح دمعة اعیونی الجویه
الگلب یمطر خجل
و اتناشد اویاه
الشمس چا لیش
ما تنشد علیه

[افول]

حس راسی الفجر
واتوادع اویای
حزین او
قادرانی امضیع الاحباب
ی(حسانی) الزمان امکسر اخشوم
او طیر السعد
جالس عند الاجناب

[افول]

هوت روحی الجبل
و اتناشد الغیم
تداعی الغیم
ارحل من سمانه
ولک
والله الگلب دخانه غث ناس
او نرید العزه
من جار السبانه

[افول]

ذکرت اهلی النشامه
الشالوا ابعید
او بگت دیرانهم
منظر للاشباح
قصور امهدمه
و النایحه اتنوح
تدگ اعلی الصدر
راح الولی راح

[افول]

شالوا
لا خبر منهم ولا ریح
اضن ترکونه للعالم فدیه
لا حض
لا بخت
ما عدهه هالناس
الامانه تنسرق
قبل الوصیه

[افول]

ارید الیوم ادگ الصبر
واجلیه
و الهمه ابکل سواده
و اتبع الراح
عجزنه امن الصبر
و الصبر بعناه
او شرینه الغیره
للما عنده مفتاح

[افول]

سریت او مادریت امودع امتاع
انه العطشان گلبی
او شایل المای
یبس بلعومی
و امخدّر بالالام
رمیت الگربه بید الخاطف اهوای

[افول]

حلم صار الشعر
و اتوسل ایدوم
گعدت اگعود
بس تذکاری سره
لا عطشان
لا متاذی لهوای
الحمد للرب اعیش ابعیشه حره