هنا

[ابو علي المياحي]

بعت الحب عليه بصم چذب يا حيف
وانا اشكَد غشيمه شـــلون صدكَتك
اجيتك كلي روح منين مـــا تنشاف
على واهس خــــطوتك مـن تعنتلك
وسولفت وضحكت بضحكة الحلمان
مـــا طلعت صوتي ومنها فـــــززتك
خليتك ضوه من اشربت منك شوف
على اول لقـاء اويــــاك من شفتك
تذكر هسه اذكرك من حچيت وياك
وانطيتك طلبتك يـــــــوم ساعدتك
واعرف بيك كَدها وتستغلني بهاي
لــــن مــــرّن اهواي البيها جربتك
شچم چـــــانون ياكَلبي وجــــر باك
ويجدمي بيا ثكَـل تمشي وجــر باك
شلك يا وكتي حتى انخى وجـــرباك
اذا غــــــــــــدرك صفه ويــاهم عليه
ولتصدكَ رحت مكسوره خـــاطر لا
نظراتي العفتهن بيك كاســــــرتك
اعرفك طمع جاي وبيك هب اسموم
يــــا كَيظ وشمس تـــــموز لافحتك
عظم حيه عرفتك بس مشيت اعليك
وانــا بكل رهاوه اجــدامي ساحكتك
يــا ملح الدغش وجروحي تلهم بيك
مــاصخ حيل مـــاصخ ساعة الضكَتك
فاهمتك ابــــد لا تحجي مــــا معقول
كل هــــذا العملته وتــدري فــاهمتك
انــا محزمه الــوكت ياخذلي منك ثار
والـهذا السبب مـــــــــــرتاح تاركتك
اسمع خلها بـذنك كَطنه مــــا تنشال
انـــــــا من الخلك والبال شـــــايلتك
منقول

[Civil Engineera]

رووووووووعة
تقييمي

[Civil Engineera]

بعت الحب عليه بصم چذب يا حيف
وانا اشكَد غشيمه شـــلون صدكَتك

[ابو علي المياحي]

شكرا لمرورك التركمانيه نورتي المشاركه

[شاكر العتابي]

شكرا ابو علي للقصيدة الرائعة

[ابو علي المياحي]

شكرا ابو علي للقصيدة الرائعة

شكراً لمرورك اخ شاكر

[حليف الاسى]

جميل
للشعر الشعبي جمالا لا يليق الا به
تحياتي لك

[ابو علي المياحي]

جميل
للشعر الشعبي جمالا لا يليق الا به
تحياتي لك

شكراً لك

[موجة النور]

كلش حلو

[حنين الياسري]

الله الله الله رووووووعة