یا جماعه الحد من الخیّر یلـــــوم
الگاعد اببیته امن اهمومه تعــــب
اصغار و اکبار العشیره اتهد علیــه
یستحی امن العار والسکته ذهب
***
یا کبار الناس یا سادت الخــــیر
بس من السکته ترا گلبی انمزگ
فهموا العایل الیربث بل کـــــلام
تایه ابدرب الضلاله و احـــترگ
***
وانه گلبی اعلیهم ایفور ابحنــــان
ریت اصیر ابگلبه حارص و انطره
هل زعل و العفرته لا تندعیـــــه
اخلّی روحی بل کمال اتعطـــره
***
مو طبیعه حلوه عند اهل الـــــدلال
لو بدیهم خیلهم صهلت ابلیــــــل
من یشاهد ملعب الشبان حــــــار
ایگول یا وسفه بعد ما عندی حیل
***
ناظر الامثال مضروبه اشتـــــــــباه
ضم اخیک لبن عمک یا دلیــــــل
او زادهه او گرم محاربهه ابعذاب
او ضم ابن عمک العدوانک چتیل
***
اشگالت العزبه او ناظرهه کتـــب
المایریدک لا تریده و انکـــــره
هنه طلقه او بندقیه اوجارحـــات
الحذر منهن یا ازلیمه ابن المــره
***
انا ما لطخیت بنت اهل الاجــــــواد
علی راسی فاهمه او عدهه جـــواب
تعرف الحگ من الباطل بل سریع
قاریه علم و ثقافه بل کتـــــــاب
***
عتب عندی لا تلوم اگلیبی شـــاب
مرت اسنین او زعل ما ینمســــح
السنه مره الصوم یغسل بل اجساد
اشمعنه حقده علی اجفوفه منطرح
***
الحقد و الحساد موجوده کثــــیر
کلمن امی دخل گلبه او شلهـــمه
الغیبه و النمنمه و اشقال او یقول
ابیه ناشی لل عداوه سلمّـــــــه
***
الدنیا ما تسوا یخی زیل الزعــل
سامح او عَدّی جبال اهمومــها
خلی ربک شاهد او ملکه یضیف
بل ملف مکتوبه کل اعلومـــهه
***
رد مع اقتباس