هنا

[افول]

ابعجاج اهل اللیامه او غرگ
بالمای
الیضدنی ما گدرنی او شرگ
بالمای
ابّطن بحر الخیانه احترگ
بالمای
او بگه تذکار للمابیه حمیّه

[افول]

اسولف و المن امن المحن
بالوای
ابنار اعدای گلبی انسجن
بالوای
ابعدت و تکترّت بالعلن
بالوای
تبعنی الخائن او دگ رمحه بیّه

[افول]

الگلب ضایج شسولف شون
شلهم
اعلی سدری حمل حایر و اون
شلهم
اعلوج الدهورونی ابحزن
شلهم
یرب ابضیم و افراگ او اذیّه

[افول]

یلیث اسمع خبر صادج
و امرهم
اصحابک دوم غربلهم
و امرهم
اختبرهم ضوگ لذّتهم
و امرهم
اترکه المر لان ذاته ردیّه

[افول]

الحرگ ناسه ابعناده
لا محاله
اجنبی او جندی الرذاله
لا محاله
المع اللّه ابضیجه ینجح
لا محاله
سقط بیهه الحفر بیر الخویّه

[افول]

اضیفک لا تگول الکار
من کار
سلوتی ابیوم اکض الثار
من کار
عذابک بالگبر من شار
من کار
ازیدک حطب و المشعل بدیّه