اسد باب الجرح ...المبدع وسام سباهي.
اسد باب الجرح وافتح وياك عتاب
ماحبيت كتلي و طلع كلبك حاب
غيري و اخذت حقي وكتلك من بعيد
كل حق ينوخذ يطلع ورا طلاب
لحنك حسبت ينعالي بالتغريد
و ابجيلكغصون و هوى اشواكك هاب
لكن غربتني بصوتك المهجور
بي نغمة وداع و بي نعيب غراب
هاجرموسمي و روح لمواسم ناس
كبلك هجرت بالهوى هواي اسراب
جانت بالعشك مدرسه عيوني وياك
و بصف المشابك لشوفتك طلاب
صليتك عشك واستغفرت بس بيك
و انشد عل العذر بس مالكيت جواب
عينك كفرتني و جان دينك ليل
ملحد بالبواجي و يكره الغياب
غرب لون وجهي وشفت كلشي البيك
طر كلبي النهار و كمروجهك غاب
طاف بعيني حلمك و اغفرتله اذنوب
كلت يتوب بيه و بس طلع ما تاب
عشكك ضافني و ما بي ملامح ضيف
دك صحوت ضمير وادري بي جذاب
بستانا شتريته و جنت مو فلاح
سلمتك ربيع وسلمتني تراب
وامنتك جرح و امنت بيه سيوف
وامنتك درب و امنت بيه ذياب
كرسي ولايتي تربع عليه الغير
و بنار المنار احترك كلبي و ذاب
كشفت الخريطه وعالم احتلوك
و الهم شرعت بالخارطه كم باب
قنعلي المحطه و رد قطار صباي
ضيعت الشباب وشبعتني غياب
مو مالت عطش و اروي الضمه بملكاك
مال ابجي اعلة عمري بحركة الشياب
رد مع اقتباس
المشاركة الأصلية كتبت بواسطة مرتضى الطيب
