آنه اویاک گاعد بل گلب ناطــــــــور
و انته اتشوفنی و اتغمّض اعیونــــــک
صحت لک هذا آنه العشرتک عطشان
یبس ریجی او عفت خافن یشوفونک
***
لطمت اعلی السدر و امهدل الذرعان
ردتک تلتفت و اتناظر احوالـــــــی
لکن عفت المحنّه و الفخر و الــزود
ابضرب سکینه ملسه ابطن دلالــــی
***
وینک لا تعاتب جیت متعنیـــــــــک
عفت اهلی او عمامی اوسیرت صوبک
ادری بیک خنت العهد ما مریـــــت
اخاف اعلیک منی تکثر اذنوبــــــک
***
شنهی البدّلاک اویای یا زعـــــلان
نسیت اللیل و الطرشات یومیـــه
اید اباید نفتر و العمر خلصــــان
اغنی ابطن حضنک طور ابوذیــه
***
صرت طیر ابطن شبچک او اشتم ریح
نایم عل سدر و اتمشط ابراســـــــی
احسن بیک تعبان ابهوی االعشــــاگ
الحد هسه ونینه ابگلبی ما ناســــی
***
اشلون انساک و انت زهرتی او دنیای
لیل انهار اسمک یضل تذکــــــــاری
اموت او لا اجافیک ابخطر یهــــوای
الصوره الی التقطناها ضـــوت داری
***
ابغی اویای فکّیت الگلب یا اخـــوی
ما انساک لو ینسه الطفل امــــــــــه
اظن واحد یفرغنی انه ویـــــــــــاک
الموت ایجوزجرجرنی ابحبل ظلــمه
رد مع اقتباس