دوت
نار ابگلبی
من ضیم الزمان
او کصّریت اقفول همّی
بل ونین
باب
ما ضل للستر دولابه
طـــاح
یلعب اویه الهوا مفتاحه ابحنین

شمره
علتاوه احترت
و انجلــــت
اشتوی گلبی تحت نار الگص رباخ
صیّحیت
ابلیل
حشمت النجـــــوم
الجمره تلسع
والگلب ناح ابصراخ
صرت
بردیه ابهوا
عاصــــف دوت
یابسه ابهوره او شعت نارهــــــــا
حرگت الیابس
و الاخضر
و الفطیر
ربطت اوحوش الفله بعذارهـــــا
ادری
نعمه عیشتی
او گلبی یفـــــــور
ربی قاسم لی
احمّل
کل همـــــــــوم
ما طرق کل باب شاعر
هل سفیــــر
بس ضرب باب الگلب
خاطر یهوم
همت بشعاری
ابنظم لیلی او نهـار
خرجت ابیوت الابوذیه
او مــــوال
و آنه جالس ینطق ابگلبی الکـــلام
اتوسدیته
اعلی المهد حب ابحلال
ما سدت کل عله
و المنطــــــق رواه
الی معلول الیجرها الخاطـــــــــره
اهموم
و الفرگه
او عتب
و الخاطرات
جرّن ابیوت الشعر
فی الساهـــــره
ربی مشکور ابعذابک
و ابعـــــزاک
نعمه منّک نازله
العبدک هدیــــت
انت تعلم
قصة الحب
و الفقــــــیر
غسّلت گلبی ابّبستا نک زهیـــت
اشکرک یا خالق
ابطرد الاشـــــرا ر
او حصّنت گلبی
ابدربه امن الخـــطر
او علّمتنی ابفرد نظره
اشلون اعیش
او رتّبت گلبی او سیرته ابســـــفر