الما يوازن خطوته بهاي الأيام
تجره للذل والندم خطواته
المايجدر لگمته يغص بالطعام
وَما ينفعه اليبچي لمواساتهَ
الما يهذب منطقه بدر الكلام
يزغر بعين الجبيل وذاته
المايشيل. ابطه لعدو بساعة خصام
عليه يرد وتصعب ملاگاته
الما ركا جناحه ويلم عليه عمام
يضل وحيد بساعة موزاته
الما يحكم عقله ويرد السلام
بساعة الغيض شكبر وگعاته
واليرد لعقله يسوه الأحترام
اليدفع الشر ماخسر عاناته
الما يشاور عاقل يضل بالأوهام
ودوم تدگس ماتطگ چيلاته
والجوا د المايعض جلد اللجام
يفحط بركضه وتغث عثراته
المايشور لا نزوره ولا امام
ولانضل نتنطر لدعواته
المايعذف لاحلال ولاحرام
ندم يشبع لادنت ساعاته
واليعادي النور ويخاوي الضلام
يگوده شيطان الهوى بزلاته
واليبدل العفو بروح الانتقام
ماركب دوم الغزل مطواته
النشمي وابن أجواد والليث الهمام
يخيط الشگ مايشگ عاداته
يحضر التاريخ ويحقق أحلام
ويبني عز اللابته بمالاته
يعرف الباري شيريد بكل مقام
ويبره من أبليس وموالاته..
منهل البحاثي (أبو بيادر) من أفضل شعراء الديوانية.. والفرات الأوسط والعراق..
رد مع اقتباس
المشاركة الأصلية كتبت بواسطة هـآئِـم ۦٰ
