هنا

[ابو علي المياحي]

السلام عليكم
شونكم حبايب شخباركم ...

أحنه نستعمل كلمة"مو"فى لهجتنه الدارجه تعالو نشوف شنو تعني
بكل مره نگولها ...

طبعا الها سبعة أستخدامات ..

1 -مو النافية بمعنى ليس ..
انت كسرت الاستكان؟مو آنى

2 -
مو الناهية بمعنى لا
مو تشغّل المبردة بس حطلها ميّ

3 -
مو الاستفهامية بمعنى اليس كذلك ؟

عمرنا راح يخلص بالانتخابات... مو بالله؟

4 -
مو السببيه .. بمعنى لأن

الاب : اِبنى ليش لي هسه مجايب خبز؟الابن : يابه مو المخبز هاليوم معزّل


5 -
مو الظرفية بمعنى عندما

مو تنزل للسوق ... اشتريها بدربك


6 -
مو التوبيخية

مو گتلك چم مرة.. لا تروح يمهم

7 -مو التحذيريه
مو گتلك نزيزه الگاع ... وغيوم الصيف چذّابه ولا تمطر ...



مو لـــــــو مو مو ....

في الختام ياترى نگدر نتخلص منها ؟؟؟

شتگولون ؟؟ ....

[ٱجَمل ٱنٌسًٱنٌة]

ههههههههههههههههه حلوة موضوع حلو مو لومو مو

[ابو علي المياحي]

كولش مو شكراً عالمرور اجمل انسانه