لا تتوقع كلهم,, وياك ايوافون
كلشي اتوقع منهم ,, حتى الصدمه اتهون
حاير تبقه ابأمرك
لو بحت الهم سرك!
راح اتشوف ابظهرك,,,
جم خنجر
مدفون!!
كلشي اتوقع منهم ,, حتى الصدمه اتهون
::::::
يل تتباهه ابربعك ,, واعداد الأصحاب
ياهو ابيوم الشده ,, المنهم دك الباب!!
معتاز ايشوفونك
وجنهم ميعرفونك!
ليش اتغمض عينك ,,
تمشي
ابلا مضمون!
كلشي اتوقع منهم ,, حتى الصدمه اتهون,,,,
::::::
كل كلمه ابلا موقف,,, بالك تاخذ بيها
السمجه التسبح بالشط,, خسران اليشريها!
الحق عن الباطل
واضح وانته اجامل!
ليش اتجيب العاقل,,,,
وتبدله
ابمجنون!!!
كلشي اتوقع منهم ,, حتى الصدمه اتهون
حسين االساعدي