يعرفوني عليك العرفتهم بيك…وتريد دموعي أكضهن وانسه واتلافاك؟
الحلم بشفايفك هسه.. إعلة طولك نام
حرآمات الخذك بالكلب ماخلآك
اريدك راضي بعيوبك وخل يحجون"
هوه العنده مثلك عيبه من ينساك…
تمشي ابالي بس نگلة جدمَك وين
ماحس بيك چا غير أعرف شمشآك؟
بيش تريد احلفك وانه احلف بيك !
شوفتك الغيري وشوفتني كفاك. چنت من بيتكم تطلع بكلبي تفوت
جدمك ماعثر يم غيري من وداك ؟
(جوازي) انساك بس ياهو اﻷسافر بي!
المحطه المآتشبهك بيهه اثر فركاك
بچيني الهوى من يبجي..يشهك ناس
يلمبجي انتظاري ارد اضحك بملكاك
الدمع يم المكابر سالفه مشتاك
وانه لجلك بجيت وهوه اجه وبجاك؟
تشرب صحتي.. وانه بصحتك ارفع كاس
واعزم صحتي من تشرب واكلك هاك
خسرتك منتصر والحرب واقع حال
الخذاك احلف عليه ماعرف طعم شفاك
بثكل الميل خطواتك وياه تفوت
عاد استحي اكبالي ستعجل بممشاك !!
الخذاك بعمره ماعابر دورة ميل
وانه الليل اخلصه اقرالك واقراك
رد مع اقتباس
