لحظة وداعك عفت أنا الكون كله
ايه أعترف ماني على الكذب مجبور .
دمع الغلا والحب ماهو مذله
وحكم الهوى يا صاحبي يقتل الشور
أبكت عيوني هالحياة الممله
حتى عماها الدمع وأصبحت مدثور !
واليوم من فرقاك وشهو أهله ..!!؟
تعاهدت كل المواجع على الجور
شفت الظلام وصرختي للأخله
ما بينهم غيري أنآ والرجاء نور
تهت ابعذاب الغدر والصمت حله
كني يتيم ٍ بين الأقراب مأسور
متى شعاع الحزن ليلي يمله
تعبت أرقب في صمت عودة اطيور
أنا الخليل اللي فقد وصل خله
ولا َّ عذاب ٍ وسط دنياي منثور
يا هاجره حرامكم وش يحله
ضاقت تناهيد الوله داخل اصدور
للوصل مله وللهجر الف مله
روفي بحالي دام لك حس وشعور !
كافي عذاب ٍ ثغر قلبي يبله .
والمشكله مالي على البعد مقدور .
كم لي اعاتب سيف هجرك واسله
وسيف الغلا يغرس لصدتك معذور
ايه اعترف بالحب دقه وجله .
ايه اعترف ماني على الكذب مجبور
لحظة وداعك عفت أنا الكون كله
"أضحك وأنا من جور الأيام مقهور"
رد مع اقتباس
