هنا

[افول]

ذهب صافي دقش ما بيك
و دراك
او دريتك حيل صاحب نظر
و ادراك
شريكي بل فرح يا صاح
و دراك
اصل طيّب او صاحب كل حميه

[افول]

اريدك وفي او كل وكتي
اجيلك
او زيل الغيض من گلبك
و جيلك
اچم مرات ازورنك
و اجيلك
لاكت ما تمر مره عليه

[افول]

يهل ناديت بسمي ارجوك
عيده
يلماخذ دليلي اوياك
عيده
الگلب مومن خلص رمضان
عيده
اصل العيد من نفرح سويه

[افول]

افكر بيك
يا صاحب
ولا نام
ولا غمض جفن عيني
و لا نام
احبن اگعد اگبالك
و لا نام
عزيز او شوفتك حصره عليه

[افول]

بگيت ابعهدي وياكم
ولا خون
تعديت ابدرب محسر
ولاخون
لجلكم گلب ما ضل لي و
لا اخوان
ابحيل الله او جمعكم فرحه اليه

[افول]

انه انتظر جياتك
و مرّك
احب گعداتك الحلوه
و مرّك
رجاء گلي متي تفرغ
و امرّك
اريد اجمع دموع الحب سويه

[افول]

اريدك مثل ماضيك
وفينه
تحضرنه ابفرح وابهم
وفينه
انه وياك كل شجره
وفينه
تجلس تحت ظلنه اهل البريه

[افول]

يغالي اشلون ما احبك
ولا بيك
ولا امك تحن مثلي
و لا بيك
عساهن بيه لوعاتك
ولا بيك
واحول كل الم منك اليه

[أوجاع الروح]

من شفنه الحچي مگاطف

عرفنه وجوهنه انملت

[افول]

وحگ روحي التحبك
و التهابك
لچن بعدك حرگني
و التهابك
هايم بيك عگلي
و التهابك
چذب مثلك عزيز ايصير اليه